نہ انتظار میں یاں آنکھ ایک آن لگی — مومن خان مومن
شاعر
نہ انتظار میں یاں آنکھ ایک آن لگی
نہ انتظار میں یاں آنکھ ایک آن لگی
نہ ہائے ہائے میں تالو سے شب زبان لگی
جلا جگر تپ غم سے پھڑکنے جان لگی
الٰہی خیر کہ اب آگ پاس آن لگی
گلی میں اس کی نہ پھر آتے ہم تو کیا کرتے
طبیعت اپنی نہ جنت کے درمیان لگی
جفائے غیر کا شکوہ تھا تیرا تھا کیا ذکر
عبث یہ بات بری تجھ کو بد گمان لگی
ہنسو نہ تم تو مرے حال پر میں ہوں وہ ذلیل
کہ جس کی ذلت و خواری سے تم کو شان لگی
کہاں وہ آہ و فغاں دم بھی لے نہیں سکتے
ہمیں یہ تیری دعائے بد آسمان لگی
میں اور اس کو بلاؤں گا روز وصل میں لو
اجل بھی کرنے محبت کا امتحان لگی
برنگ صورت بلبل نہیں نوا سنجی
یہ کیا ہوا کہ چپ اے گلستاں بیان لگی
سدا تمہاری طرف جی لگا ہی رہتا ہے
تمہارے واسطے ہے دل کو مہربان لگی
وہ کینہ توز تھا مومنؔ تو دل لگایا کیوں
کہو تو کیا تمہیں ایسی بھلی وہ آن لگی
Na intezar mein yaan aankh ek aan lagi
Na intezar mein yaan aankh ek aan lagi
Na haay haay mein talu se shab zaban lagi
Jala jigar tap-e-gham se phadakne jaan lagi
Ilahi khair ke ab aag paas aan lagi
Gali mein us ki na phir aate hum to kya karte
Tabiyat apni na jannat ke darmiyan lagi
Jafa-e-ghair ka shikwa tha tera tha kya zikr
Abas yeh baat buri tujh ko bad-guman lagi
Hanso na tum to mere haal par main hoon woh zalil
Ke jis ki zillat o khwari se tum ko shaan lagi
Kahan woh aah o faghan dam bhi le nahin sakte
Hamein yeh teri dua-e-bad aasman lagi
Main aur us ko bulaunga roz-e-vasl mein lo
Ajal bhi karne mohabbat ka imtihan lagi
Ba-rang-e-soorat-e-bulbul nahin nawa-sanji
Yeh kya hua ke chup ae gulistan-e-bayan lagi
Sada tumhari taraf jee laga hi rehta hai
Tumhare vaste hai dil ko mehrbaan lagi
Woh keena-toz tha Momin! to dil lagaya kyun
Kaho to kya tumhein aisi bhali woh aan lagi
شاعر کے بارے میں
مومن خان مومن اردو کے کلاسیکی عہد کے اُن ممتاز شعرا میں شمار ہوتے ہیں جنہوں نے غزل کو نیا ذوق، نئی لطافت اور گہری جذباتی معنویت عطا کی۔ ان کا اصل ن...
مکمل تعارف پڑھیں