آپ محبوب خدا یا مصطفیٰ — مظفر وارثی
شاعر
آپ محبوب خدا یا مصطفیٰ
آپ محبوب خدا یا مصطفیٰ
ہو گیا دل آپ کا یا مصطفیٰ
وہ حقیقت میں کہا اللہ نے
آپ نے جو کچھ کہا یا مصطفیٰ
آپ پر اور آپ کے فرمان پر
جان و دل سے ہم فدا یا مصطفیٰ
آپ کے نقش قدم پر ہم چلیں
آپ سب کے رہنما یا مصطفیٰ
والیان ملک سلطاں تاجور
آپ کے در کے گدا یا مصطفیٰ
امتوں میں افضل امت آپ کی
آپ شاہ انبیا یا مصطفیٰ
دین حق کی آپ نے تعلیم دی
آپ حق ہیں حق نما یا مصطفیٰ
آپ ہی نے تو کیا انسان کو
خود نگر خود آشنا یا مصطفیٰ
آپ پر ہیں ختم ساری عظمتیں
تھا نہ ہوگا آپ سا یا مصطفیٰ
ہر گھڑی میں آپ پر بھیجوں درود
دل کہے صل علیٰ یا مصطفیٰ
Aap Mehboob-e-Khuda, Ya Mustafa
Aap Mehboob-e-Khuda, Ya Mustafa
Ho gaya dil aap ka, Ya Mustafa
Woh haqeeqat mein kaha Allah ne
Aap ne jo kuch kaha, Ya Mustafa
Aap par aur aap ke farmaan par
Jaan o dil se hum fida, Ya Mustafa
Aap ke naqsh-e-qadam par hum chalein
Aap sab ke rehnuma, Ya Mustafa
Waaliyaan-e-mulk, sultaan, taajwar
Aap ke dar ke gada, Ya Mustafa
Ummaton mein afzal ummat aap ki
Aap Shah-e-Ambiya, Ya Mustafa
Deen-e-Haq ki aap ne ta'leem di
Aap Haq hain, Haq numa, Ya Mustafa
Aap hi ne to kiya insaan ko
Khud-nigar, khud-aashna, Ya Mustafa
Aap par hain khatm saari azmatein
Tha na hoga aap sa, Ya Mustafa
Har ghaṛi mein aap par bhejoon durood
Dil kahe "Sallay Ala", Ya Mustafa
شاعر کے بارے میں
مظفر وارثی اردو ادب کے اُن خوش نصیب شاعروں میں شمار ہوتے ہیں جنہیں اپنے عہد میں بھی قدر کی نگاہ سے دیکھا گیا اور جن کا کلام آج بھی عقیدت اور احترام...
مکمل تعارف پڑھیں