گلی گلی یوں محبت کے خواب بیچوں گا — نا معلوم
شاعر
گلی گلی یوں محبت کے خواب بیچوں گا
گلی گلی یوں محبت کے خواب بیچوں گا
میں رکھ کے ریڑھی پہ تازہ گلاب بیچوں گا
رہی جو زندگی میری تو شہرِ ظلمت میں
چراغ بیچوں گا اور بے حساب بیچوں گا
مرا اجالوں کا بیوپار بس چمک جائے
فلک پہ بیٹھ کے میں آفتاب بیچوں گا
کشید کر کے قلندر کی مست آنکھوں سے
شرابیوں کو میں " حق کی شراب" بیچوں گا
خرید کر میں جہنم سے جسم لیلیٰ کا
جناب قیس کو دلکش عذاب بیچوں گا
سنائی دے گا جسے میری روح کا نغمہ
میں ایسے شخص کو دل کا رباب بیچوں گا
لگا کے آگ میں رکھ دوں گا " فکرِ نفرت" کو
کباڑیوں کو میں اس کا نصاب بیچوں گا
میں گردہ بیچ کے چھپواؤں گا اسے واصف
پھر اک "واہ" کے بدلے کتاب بیچوں گا
جبار واصف
Gali gali yun mohabbat ke khwab bechoonga
Gali gali yun mohabbat ke khwab bechoonga
Main rakh ke reerh pe taza gulab bechoonga
Rahi jo zindagi meri toh shehr-e-zulmat mein
Chiragh bechoonga aur be-hisab bechoonga
Mera ujalaon ka beopaar bas chamak jaye
Falak pe baith ke main aaftab bechoonga
Kashed kar ke qalandar ki mast aankhon se
Sharabion ko main "Haq ki sharab" bechoonga
Khareed kar main jahannam se jism-e-Laila ka
Janab-e-Qais ko dilkash azab bechoonga
Sunai de ga jise meri rooh ka naghma
Main aise shakhs ko dil ka rubab bechoonga
Laga ke aag mein rakh doonga "Fikr-e-nafrat" ko
Kabarion ko main is ka nisab bechoonga
Main gurda bech ke chhupwaunga use Wasif
Phir ek "wah" ke badle kitab bechoonga
Jabbar Wasif