یہ دور گزرا کبھی نہ دیکھیں پیا کی انکھیاں خمار متیاں

یہ دور گزرا کبھی نہ دیکھیں پیا کی انکھیاں خمار متیاں
کہے تھے مردم شرابی ان کوں نکل گئیں اپنی دے غلطیاں
سوائے گل کے وہ شوخ انکھیاں کسی طرف کو نہیں ہیں راغب
تو برگ نرگس اوپر بجا ہے لکھوں جو اپنے سجن کوں پتیاں
صنم کی زلفاں کو ہجر میں اب گئے ہیں مجھ نین ہیں خواب راحت
لگے ہے کانٹا نظر میں سونا کٹیں گی کیسے یہ کالی رتیاں
جو شمع رو کے دو لب ہیں شیریں تو سبزۂ خط بجا ہے اس پر
زمین پکڑی ہے طوطیوں نے سنیں جو میٹھی پیا کی بتیاں
خیال کر کر بھٹک رہا ہوں نظر جو آئے تیور ہیں بانکے
بناؤ بنتا نہیں ہے ناجیؔ جو اس سجن کو لگاؤں چھتیاں

Ye daur guzra kabhi na dekhen piya ki ankhiyan khumaar matiyan

Ye daur guzra kabhi na dekhen piya ki ankhiyan khumaar matiyan
Kahe the mardam-e-sharaabi un kon nikal gayin apni de ghaltiyan
Siwa-e-gul ke wo shokh ankhiyan kisi taraf ko nahin hain raaghib
Tu barg-e-nargis oopar baja hai likhun jo apne sajan kon patiyan
Sanam ki zulfan ko hijr mein ab gaye hain mujh nain hain khwab-e-raahat
Lage hai kanta nazar mein sona kaṭengi kaise ye kaali ratiyan
Jo shama'-roo ke do lab hain shireen to sabza-e-khat baja hai us par
Zameen pakṛi hai tootiyon ne sunen jo meeṭhi piya ki batiyan
Khayaal kar kar bhaṭak raha hoon nazar jo aaye tewar hain baanke
Banaao banta nahin hai Najiؔ jo is sajan ko lagaaun chhatiyan

شاعر کے بارے میں

نام سید غلام عباس اورمحسن تخلص تھا۔ ۵؍مئی۱۹۴۷ء کو ڈیرہ غازی خاں میں پیدا ہوئے۔ ابتدائی تعلیم پرائمری اسکول، ڈیرہ غازی خاں میں حاصل کی۔ اس کے بعد گو...

مکمل تعارف پڑھیں

یہ دور گزرا کبھی نہ دیکھیں پیا کی انکھیاں خمار متیاں — ناجی شاکر

شاعر