اب تو وہ مائل جفا بھی نہیں — ناشاد کانپوری
شاعر
اب تو وہ مائل جفا بھی نہیں
اب تو وہ مائل جفا بھی نہیں
دل مرا ان کو بھولتا بھی نہیں
نگۂ ناز کہہ گئی سب کچھ
اور کہنے کو کچھ کہا بھی نہیں
کون لائے گا تاب لطف و کرم
دل تو شائستۂ جفا بھی نہیں
یاد تو تیری خیر کیا کرتے
بھول ہی جاتے یہ ہوا بھی نہیں
جانے کیوں جی رہے ہیں اہل وفا
آسرا سا کچھ آسرا بھی نہیں
یوں تو پیتا نہیں کبھی ناشادؔ
تم پلاؤ تو پارسا بھی نہیں
Ab to woh maa'il-e-jafa bhi nahin
Ab to woh maa'il-e-jafa bhi nahin
Dil mera un ko bhoolta bhi nahin
Nigah-e-naaz keh gayi sab kuchh
Aur kehne ko kuchh kaha bhi nahin
Kaun laayega taab-e-lutf-o-karam
Dil to shaista-e-jafa bhi nahin
Yaad to teri khair kya karte
Bhool hi jaate yeh hua bhi nahin
Jaane kyoon ji rahe hain ahl-e-wafa
Aasra sa kuchh aasra bhi nahin
Yun to peeta nahin kabhi 'Nashad'
Tum pilaao to parsa bhi nahin
شاعر کے بارے میں
ناشادؔ کانپوری اردو شاعری کے اُن معتبر ناموں میں شمار ہوتے ہیں جنہوں نے بیسویں صدی میں کلاسیکی غزل کی روایت کو نئے احساسات کے ساتھ زندہ رکھا۔ ان کی...
مکمل تعارف پڑھیں