دل جو شائستۂ جفا نہ ہوا — ناشاد کانپوری
شاعر
دل جو شائستۂ جفا نہ ہوا
دل جو شائستۂ جفا نہ ہوا
لذت غم سے آشنا نہ ہوا
تو کبھی پاس سے جدا نہ ہوا
دل مگر صورت آشنا نہ ہوا
زندگی کا مزہ وہ کیا جانے
جس کو مرنے کا حوصلہ نہ ہوا
ہم کو شکوہ رہا جدائی کا
اور تو پاس سے جدا نہ ہوا
تم سے کہنے سے فائدہ کوئی
خیر جو کچھ ہوا برا نہ ہوا
سوچتے ہی رہے کہیں نہ کہیں
نہ ہوا عرض مدعا نہ ہوا
یاد کرتے ہیں حسن و عشق ہمیں
مر کے بھی ختم سلسلہ نہ ہوا
دام الفت میں جو پھنسا ناشادؔ
ہو کے آزاد بھی رہا نہ ہوا
Dil jo shaista-e-jafa na hua
Dil jo shaista-e-jafa na hua
Lazzat-e-gham se ashna na hua
Tu kabhi paas se juda na hua
Dil magar surat-ashna na hua
Zindagi ka maza woh kya jaane
Jis ko marne ka hausla na hua
Hum ko shikwa raha judai ka
Aur tu paas se juda na hua
Tum se kehne se faayda koi
Khair jo kuchh hua bura na hua
Sochte hi rahe kahin na kahin
Na hua arz-e-mudda'a na hua
Yaad karte hain husn-o-ishq humein
Mar ke bhi khatm silsila na hua
Daam-e-ulfat mein jo phansa 'Nashad'
Ho ke azad bhi raha na hua
شاعر کے بارے میں
ناشادؔ کانپوری اردو شاعری کے اُن معتبر ناموں میں شمار ہوتے ہیں جنہوں نے بیسویں صدی میں کلاسیکی غزل کی روایت کو نئے احساسات کے ساتھ زندہ رکھا۔ ان کی...
مکمل تعارف پڑھیں