ہر نفس اپنا اذیت کوش ہے — ناشاد کانپوری
شاعر
ہر نفس اپنا اذیت کوش ہے
ہر نفس اپنا اذیت کوش ہے
زندگی کیا ہے وبال دوش ہے
کائنات دل ہے اور سوز فراق
زندگی اک محشر خاموش ہے
بحر الفت کا کہیں ساحل نہیں
عاشقی بیگانۂ آغوش ہے
کس نے چھیڑا نغمۂ حسن وفا
جس کو دیکھو وہ ہمہ تن گوش ہے
تم بھی آکر یہ تماشا دیکھ لو
موت سے ناشادؔ ہم آغوش ہے
Har nafas apna aziyat kosh hai
Har nafas apna aziyat kosh hai
Zindagi kya hai wabaal-e-dosh hai
Kainat-e-dil hai aur soz-e-firaq
Zindagi ek mehshar-e-khamosh hai
Bahr-e-ulfat ka kahin sahil nahin
Aashiqi begana-e-aaghosh hai
Kis ne chheRra naghma-e-husn-e-wafa
Jis ko dekho wo hama-tan gosh hai
Tum bhi aa kar yeh tamasha dekh lo
Maut se Nashad hum-aaghosh hai
شاعر کے بارے میں
ناشادؔ کانپوری اردو شاعری کے اُن معتبر ناموں میں شمار ہوتے ہیں جنہوں نے بیسویں صدی میں کلاسیکی غزل کی روایت کو نئے احساسات کے ساتھ زندہ رکھا۔ ان کی...
مکمل تعارف پڑھیں