زندگی بے ثبات کتنی ہے — ناشاد کانپوری
شاعر
زندگی بے ثبات کتنی ہے
زندگی بے ثبات کتنی ہے
چند روزہ حیات کتنی ہے
پرتو حسن یار ہے ورنہ
دل کی کل کائنات کتنی ہے
درد دل اٹھ کے تو بتا دے ذرا
پوچھتے ہیں وہ رات کتنی ہے
آدمی مر رہا ہے جینے کو
انبساط حیات کتنی ہے
بزم دنیا میں آئے اور چلے
داستان حیات کتنی ہے
بات ناشادؔ کی بھی سن لیتے
اک ذرا سی ہے بات کتنی ہے
Zindagi be-sabat kitni hai
Zindagi be-sabat kitni hai
Chand roza hayat kitni hai
Partav-e-husn-e-yar hai warna
Dil ki kul kainat kitni hai
Dard-e-dil uTh ke to bata de zara
Poochhte hain wo raat kitni hai
Aadmi mar raha hai jeene ko
Inbisat-e-hayat kitni hai
Bazm-e-duniya mein aaye aur chale
Dastan-e-hayat kitni hai
Bat Nashad ki bhi sun lete
Ik zara si hai bat kitni hai
شاعر کے بارے میں
ناشادؔ کانپوری اردو شاعری کے اُن معتبر ناموں میں شمار ہوتے ہیں جنہوں نے بیسویں صدی میں کلاسیکی غزل کی روایت کو نئے احساسات کے ساتھ زندہ رکھا۔ ان کی...
مکمل تعارف پڑھیں