ترے کرم سے خدائی میں یوں تو کیا نہ ملا — ن م راشد
شاعر
ترے کرم سے خدائی میں یوں تو کیا نہ ملا
ترے کرم سے خدائی میں یوں تو کیا نہ ملا
مگر جو تو نہ ملا زیست کا مزا نہ ملا
حیات شوق کی یہ گرمیاں کہاں ہوتیں
خدا کا شکر ہمیں نالۂ رسا نہ ملا
ازل سے فطرت آزاد ہی تھی آوارہ
یہ کیوں کہیں کہ ہمیں کوئی رہنما نہ ملا
یہ کائنات کسی کا غبار راہ سہی
دلیل راہ جو بنتا وہ نقش پا نہ ملا
یہ دل شہید فریب نگاہ ہو نہ سکا
وہ لاکھ ہم سے بہ انداز محرمانہ ملا
کنار موج میں مرنا تو ہم کو آتا ہے
نشان ساحل الفت ملا ملا نہ ملا
تری تلاش ہی تھی مایۂ بقائے وجود
بلا سے ہم کو سر منزل بقا نہ ملا
Tere karam se khudaai mein yun to kya na mila
Tere karam se khudaai mein yun to kya na mila
Magar jo tu na mila zeest ka maza na mila
Hayat-e-shauq ki yeh garmiyan kahan hoteen
Khuda ka shukr hamein naala-e-rasa na mila
Azal se fitrat-e-azaad hi thi aawara
Yeh kyun kahen ke hamein koi rahnuma na mila
Yeh kaaynaat kisi ka ghubaar-e-raah sahi
Daleel-e-raah jo banta woh naqsh-e-pa na mila
Yeh dil shaheed-e-fareb-e-nigah ho na saka
Woh laakh hum se ba-andaaz-e-maharamana mila
Kinaar-e-mauj mein marna to hum ko aata hai
Nishaan-e-saahil-e-ulfat mila mila na mila
Teri talaash hi thi maaya-e-baqaa-e-wajood
Bala se hum ko sar-e-manzil-e-baqaa na mila
شاعر کے بارے میں
ن م راشد، جن کا اصل نام نذر محمد راشد تھا، یکم اگست 1910 کو علی پور چٹھہ میں پیدا ہوئے اور اردو ادب میں جدید آزاد نظم کے بانی کے طور پر اپنی منفرد ...
مکمل تعارف پڑھیں