پکھواں دی جوڑی — قاسم کاہلوانہ
شاعر
پکھواں دی جوڑی
ہک دن دی گل اے پانی دی چھل اے
راوی دے کڈھے میں 2 پکھواں پھدے
منظر رنگین آئی جوڑا حسین آئی اصلی اصیل ہن
رج کے شکیل ہن میرے دل نوں بھانڑیں
میں گھتے چا دانڑیں ہک چونج ہلاوے دوا کوئی نہ کھاوے
ہک بے نوں ویکھن گل کوئی نہ دسن نہ بولن نہ ہسن
جہڑا پریشاں ہائی میں چا اہنوں اڈایا دوجے نوں نپ کے چا پنجرے بہایا
محبت عجیب اے عقیدت عجیب اے الفت عجیب اے قربت عجیب اے
جہنوں چھوڑ دتا او اڈ کے نا جاوے جہنوں قید کیتا او پیوے نہ کھاوے
ہک پنجرے اچ پھڑکے دوا باہر رووے
توبہ خدا دی شالا انج نہ ہووے
اے تک کے تماشہ مینوں آیا ہاسہ میں دتہ دلاسہ تے دووے اڈائے چا
جاونڑ توں پہلے مگر پر ہلا کے
فزا اچ لہرا کے کج گنگنا کے میتھوں اچا ہو کے
ہوا اچ کھلو کے آکھن پرندے او ظالم درندے
او جاہل شکاری ظلم نہ کمائے کر
ازلاں توں بنڑے ہوئے نہ جوڑے ونجائے کر
رکھیں یاد قاسم محبت دے قیدی سزا کوئی نہیں ہوندے
اے قدماں اچ مردن جدا کوئی نہیں ہوندے
Pakhooñ di joṛi
Hik din di gal ae paani di chhal ae
Ravi de kaḍhe maiñ do pakhooñ phudday
Manzar rangeen aayi joṛ haseen aayi asli aseel han
Raj ke shakeel han mere dil noñ bhaṇṛdeñ
Maiñ ghatte cha daṇṛdeñ hik chonj hilaave dava koyi na khaavay
Hik be noñ vekhan gal koyi na dasan na bolan na hasan
Jeṛa pareshan haaii maiñ cha ahnuñ uḍaaya dooje noñ nap ke cha pinjray bahaya
Mohabbat ajeeb ae aqeedat ajeeb ae ulfat ajeeb ae qurbat ajeeb ae
Jehnuñ chhoṛ ditta o uḍ ke na jaave jehnuñ qaid keeta o peeve na khaavay
Hik pinjray ach phaṛkay dava baahar rovay
Tauba Khuda di shaala inj na hovay
Ay tak ke tamasha mainuñ aaya haasa maiñ ditta dilasa te dovay uḍaaye cha
Jaavo naṛ toñ pehlay magar par hila ke
Fiza ach lehra ke kuj gunguna ke meethoñ ucha ho ke
Hawa ach khalo ke aakhan parinday o zaalim darinday
O jaahil shikaari zulm na kamaaye kar
Azlaaṇ toñ banṛde hoye na joṛay vanjaaye kar
Rakhīñ yaad Qasim mohabbat de qaidi saza koyi nahiñ honde
Ay qadmaaṇ ach mardan juda koyi nahiñ honde
شاعر کے بارے میں
راوی وہت چنہاں دی بولی جاپے ہکے تھاں دی بولی. راٹھاں وانگوں بول کے ویکھو موکھے احمد خاں دی بولی تیتر ڈھیر سریلے ہوسن کاں سمجھے دا کاں دی بولی. و...
مکمل تعارف پڑھیں