دکھ کی رات میں سکھ کا سورج جَڑ جائے — راشد ڈوگر
شاعر
دکھ کی رات میں سکھ کا سورج جَڑ جائے
دکھ کی رات میں سکھ کا سورج جَڑ جائے
ان کی آنکھ جو میری آنکھ سے لڑ جائے
ان کے آنے سے آئے سرشاری سی
وہ جائیں تو جینا مشکل پڑ جائے
وہ ہنس دیں تو رنگ برنگے پھول کھلیں
جو روٹھیں تو جھٹ پٹ ہو پت جھڑ جائے
جیون کیا ہے؟ آتی جاتی سانسیں ہیں
آخر کو تھم سانسوں کا جھکّڑ جائے
اشکوں سے تب سارا دامن جھل تھل ہو
من کا بادل جب جب ضد پر اڑ جائے
بہہ لینے دو، بہتا پانی دریا ہے
رک جائے تو بن یہ اک جوہڑ جائے
طعنے ترکش ہیں زہریلے تیروں کے
نازک دل میں کوئی تیر نہ گَڑ جائے
Dukh ki raat mein sukh ka suraj jaḍ jaye
Dukh ki raat mein sukh ka suraj jaḍ jaye
Unki aankh jo meri aankh se laḍ jaye
Unke aane se aaye sarshaari si
Woh jaayen toh jeena mushkil paḍ jaye
Woh hans dein toh rang-birange phool khilein
Jo roothen toh jhaṭ paṭ ho patjhaḍ jaye
Jeevan kya hai? Aati jaati saansein hain
Aakhir ko tham saanson ka jhakkaḍ jaye
Ashkon se tab saara daaman jhal thal ho
Man ka baadal jab jab zid par aḍ jaye
Bah lene do, behta paani darya hai
Ruk jaye toh ban yeh ik johad jaye
Taane tarkash hain zehreelay teeron ke
Naazuk dil mein koi teer na gaḍ jaye
شاعر کے بارے میں
شاید شاعر، غالباً ادیب، قریباً ان پڑھ، یقیناً گناہگار،سر بہ خاکِ مدینہ
مکمل تعارف پڑھیں