حمد — راشد ڈوگر
شاعر
حمد
تُو خدا و بادشاہ و ذُو الْجلَال
میں گدا و بے نوا و پُر ملال
یا جلیلُ یا وکیلُ یا خبیر
میں رذیل و بے دلیل و بے ضمیر
یا لطیفُ یا کبیرُ یا مُجیب
میں کثیف اور میں حقیر اور میں غریب
تُو سدا ہے، دیکھتا ہے، بے کراں
حادثہ ہُوں، پُر خطا ہُوں، ناتواں
تُو قوی ہے، تُو غنی ہے، تُو بصیر
عاجزی ہُوں، بے کسی ہُوں، میں فقیر
یا علیمُ یا حفیظُ یا ودُود
تیری قدرت کا امیں، میرا وجود
تُو ہے قادر ہر امر پر، یا عظیم
بخش دے ساری خطائیں، یا رحیم
Hamd
Tu Khuda o baadshah o Zul-Jalaal
Main gada o be-nawa o pur-malaal
Ya Jaleel-u Ya Wakeel-u Ya Khabeer
Main razil o be-daleel o be-zameer
Ya Lateef-u Ya Kabeer-u Ya Mujeeb
Main kaseef aur main haqeer aur main ghareeb
Tu sada hai, dekhta hai, be-karaan
Hadsa hoon, pur-khata hoon, natawan
Tu qawi hai, tu ghani hai, tu baseer
Aajizi hoon, be-kasi hoon, main faqeer
Ya Aleem-u Ya Hafeez-u Ya Wadood
Teri qudrat ka ameen, mera wajood
Tu hai qadir har amr par, Ya Azeem
Bakhsh de saari khataein, Ya Raheem
شاعر کے بارے میں
شاید شاعر، غالباً ادیب، قریباً ان پڑھ، یقیناً گناہگار،سر بہ خاکِ مدینہ
مکمل تعارف پڑھیں