جنگل کا مور — راشد ڈوگر
شاعر
جنگل کا مور
جنگل میں اک ناچا مور
جنگل میں تھا شور ہی شور
پتّوں کی تھیں سائیں سائیں
کوَّں کی تھیں کائیں کائیں
گیدڑ کی تھی چیخ پُکار
اُلّو کی تھی سوچ بچار
بندر، بھالُو، لگّڑ بھگّے
مینڈک، جھینگر، مچھر، کیڑے
مگر مچھ ، دریائی گھوڑے
ہاتھی ، ہرنی، شیر اور چِیتے
مگن تھے سارے اپنی دُھن میں
مور کو دیکھیں کس کی آنکھیں؟
ناچتے ناچتے چُور ہوا وہ
چُور ہوا، رنجُور ہوا وہ
اس کے پیر تھے لہُو لہان
تھک کر اُس نے دے دی جان
جنگل میں تھا شور ہی شور
دیکھا کس نے ناچتا مور؟
Jangal Ka Mor
Jangal mein ik naacha mor
Jangal mein thha shor hi shor
Patton ki theen saain saain
Kawwon ki theen kaayen kaayen
Geedad ki thi cheekh pukaar
Ulloo ki thi soch bichaar
Bandar, bhaalu, laggad bhagge
Maindak, jheengar, machhar, keede
Magarmachh, dariyai ghode
Haathi, harni, sher aur cheete
Magan thhe saare apni dhun mein
Mor ko dekhein kis ki aankhein?
Naachte naachte choor hua woh
Choor hua, ranjoor hua woh
Us ke pair thhe lahoo lahan
Thak kar us ne de di jaan
Jangal mein thha shor hi shor
Dekha kis ne naachta mor?
شاعر کے بارے میں
شاید شاعر، غالباً ادیب، قریباً ان پڑھ، یقیناً گناہگار،سر بہ خاکِ مدینہ
مکمل تعارف پڑھیں