کہنے کو چند ہاتھ سے بڑھ کر نہیں ہُوں مَیں — راشد ڈوگر
شاعر
کہنے کو چند ہاتھ سے بڑھ کر نہیں ہُوں مَیں
کہنے کو چند ہاتھ سے بڑھ کر نہیں ہُوں مَیں
باطن میں کائنات سے کم تر نہیں ہُوں مَیں
اے آفتاب ! گرمئِ عشقِ حبیب میں
تُجھ سے سِوا ہوں، تیرے برابر نہیں ہُوں مَیں
تاریکیوں کے درمیاں جلتا ہوا چراغ
راتوں کی داستان ہوں، دن بھر نہیں ہُوں مَیں
اپنے ہی حُسن کے لئے خود ہی ہُوا حجاب
جانے سے جاودان ہوں، ہو کر نہیں ہُوں مَیں
دیکھے یہ صبح و شام، ہزاروں طرح کے رنگ
افسوس! اپنی آنکھ کا منظر نہیں ہُوں مَیں
دل میں بسا کے اُن کو ، اُنہی کو دیا یہ دل
ظاہر ضرور ہُوں مگر اندر نہیں ہُوں مَیں
Kehne ko chand haath se badh kar nahin hoon main
Kehne ko chand haath se badh kar nahin hoon main
Baatin mein kaaynaat se kamtar nahin hoon main
Aye aftaab! Garmi-e-ishq-e-habeeb mein
Tujh se siwa hoon, tere baraabar nahin hoon main
Tareekiyon ke darmiyaan jalta hua charaagh
Raaton ki daastaan hoon, din bhar nahin hoon main
Apne hi husn ke liye khud hi hua hijaab
Jaane se jaawidaan hoon, ho kar nahin hoon main
Dekhe yeh subh-o-shaam, hazaaron tarah ke rang
Afsoos! Apni aankh ka manzar nahin hoon main
Dil mein basa ke un ko, unhi ko diya yeh dil
Zaahir zaroor hoon magar andar nahin hoon main
شاعر کے بارے میں
شاید شاعر، غالباً ادیب، قریباً ان پڑھ، یقیناً گناہگار،سر بہ خاکِ مدینہ
مکمل تعارف پڑھیں