نعت — راشد ڈوگر
شاعر
نعت
رحمتِ حق، محمدﷺ کی صورت ہوئی
سارے عالم پہ انﷺ کی عنایت ہوئی
کھارے پانی میں ڈالا لعابِ دہن
آخری بوند بھی اس کی امرت ہوئی
بے زباں کنکروں کا نصیبہ کُھلا
جاری ان کی زباں پر شہادت ہوئی
تاجِ شاہی فدا، ثور کی مکڑی پر
شاہِ کونینﷺ کی جس سے خدمت ہوئی
چُن لیا قصوا نے، مسکنِ مصطفیﷺ
اونٹنی کو عطا ایسی حکمت ہوئی
وہ حِنانا سُتوں، رویا زار و قطار
ضبط اس سے نبیﷺ کی نہ فرقت ہوئی
سَیر ہو کر گئے لوگ بھوکے کئی
ایک چھوٹی سی بکری میں برکت ہوئی
چاند آقاﷺ کے قدموں میں آکر گرا
یدِ بدر الدجیﷺ کی اشارت ہوئی
مرتضیؓ کے لئے عصر پھر سے ہوئی
ان کو شمس الضحیﷺ سے جو نسبت ہوئی
میرے آقاﷺ کا ہر ایک پل معجزہ
میرے مولاﷺ کی ہر سانس آیت ہوئی
Naat
Rehmat-e-Haq, Muhammad ki soorat hui
Saare aalam pe un ki inayat hui
Khaare paani mein dala lu'aab-e-dehan
Aakhri boond bhi us ki amrit hui
Be-zabaan kankaron ka naseeba khula
Jaari un ki zubaan par shahadat hui
Taj-e-shahi fida, Thaur ki makdi par
Shah-e-Kaunain ki jis se khidmat hui
Chun liya Qaswa ne, maskan-e-Mustafa
Oontni ko ata aisi hikmat hui
Wo Hanaan-as-sutoon, roya zaar o qitaar
Zabt us se Nabi ki na furqat hui
Sair ho kar gaye log bhooke kayi
Ek choti si bakri mein barkat hui
Chand Aqaa ke qadmon mein aa kar gira
Yad-e-Badr-ud-Duja ki isharat hui
Murtaza ke liye asr phir se hui
Un ko Shams-ud-Duha se jo nisbat hui
Mere Aqaa ka har ek pal mojiza
Mere Maula ki har saans aayat hui
شاعر کے بارے میں
شاید شاعر، غالباً ادیب، قریباً ان پڑھ، یقیناً گناہگار،سر بہ خاکِ مدینہ
مکمل تعارف پڑھیں