آفت شب تنہائی کی ٹل جائے تو اچھا — رند لکھنوی
شاعر
آفت شب تنہائی کی ٹل جائے تو اچھا
آفت شب تنہائی کی ٹل جائے تو اچھا
گھبرا کے جو دم آج نکل جائے تو اچھا
او جان حزیں جانا ہے اک دن تجھے آخر
اب جائے تو بہتر ہے کہ کل جائے تو اچھا
جھکوا دیا سر ضعف نے قاتل کے قدم پر
تلوار اگر اس کی اگل جائے تو اچھا
بہتر نہیں ہے صورت جاناں کا تصور
دل اور کسی شے سے بہل جائے تو اچھا
اک سل ہے کلیجے پہ نہیں روح بدن میں
چھاتی کا پہاڑ آہ پہ ٹل جائے تو اچھا
دیوانہ عبث شہر کی گلیوں میں ہے برباد
مجنوں کسی جنگل کو نکل جائے تو اچھا
او آتش دل پھونک دے تن اشک بہا دے
بہہ جائے تو بہتر ہے یہ جل جائے تو اچھا
ہر مرتبہ ڈسنے کے ارادہ میں ہے وہ زلف
اژدر یہ اگر مجھ کو نگل جائے تو اچھا
پھر رکنا ہے دشوار یہ جب آئی تو آئی
ایسے میں طبیعت جو سنبھل جائے تو اچھا
تابوت مرا تھم کے اٹھاؤ مرے یارو
وہ بھی کف افسوس جو مل جائے تو اچھا
اے رندؔ ملو یار سے یا ہاتھ اٹھاؤ
جھگڑا چکے ہر شب کا خلل جائے تو اچھا
رند لکھنوی
Aafat shab-e-tanhayi ki tal jaye to achha
Aafat shab-e-tanhayi ki tal jaye to achha
Ghabra ke jo dam aaj nikal jaye to achha
O jaan-e-hazin jaana hai ek din tujhe akhir
Ab jaye to behtar hai ke kal jaye to achha
Jhukwa diya sar za'f ne qatil ke qadam par
Talwar agar us ki ugal jaye to achha
Behtar nahin hai soorat-e-jaanan ka tasawwur
Dil aur kisi shai se bahal jaye to achha
Ek sil hai kaleje pe nahin rooh badan mein
Chhati ka pahad aah pe tal jaye to achha
Deewana abas shahr ki galiyon mein hai barbaad
Majnoon kisi jangal ko nikal jaye to achha
O aatish-e-dil phoonk de tan ashk baha de
Beh jaye to behtar hai ye jal jaye to achha
Har martaba dasne ke iraade mein hai woh zulf
Ajgar ye agar mujh ko nigal jaye to achha
Phir rukna hai dushwar ye jab aayi to aayi
Aise mein tabiyat jo sambhal jaye to achha
Taboot mera tham ke uthao mere yaaro
Woh bhi kaf-e-afsos jo mal jaye to achha
Aye Rind milo yaar se ya haath uthao
Jhagda chuke har shab ka khul jaye to achha
شاعر کے بارے میں
رند لکھنوی اردو کے کلاسیکی دبستانِ لکھنؤ کے ممتاز شاعر تھے جن کا اصل نام نواب سید محمد خاں تھا۔ وہ 1797ء میں فیض آباد، اودھ کے ایک معزز اور نوابی خ...
مکمل تعارف پڑھیں