دید گل زار جہاں کیوں نہ کریں سیر تو ہے — رند لکھنوی
شاعر
دید گل زار جہاں کیوں نہ کریں سیر تو ہے
دید گل زار جہاں کیوں نہ کریں سیر تو ہے
ایک دن جانتے ہیں خاتمہ بالخیر تو ہے
رندؔ واعظ سے عبث کرتے ہو شر خیر تو ہے
دونوں گھر ایک ہیں کعبہ نہ سہی دیر تو ہے
خوشہ چیں بنتا ہے کیوں مزرع ہر دہقاں کا
وصف انسان نہیں یہ صفت طیر تو ہے
نہ بسر ہووے گی بے نشہ قدح خواروں کی
ہو اگر مے کی منادی ہے فلک سیر تو ہے
آشنا بحر محبت کے شناور ہیں سب
تو بھی اس آگ کے دریا کو اگر پیر تو ہے
رند و واعظ کے بکھیڑوں میں بھلا کون پڑے
سب کو معلوم ہے ان دونوں میں اک بیر تو ہے
مرغ دل مردم بیمار پہ صدقہ کر ڈال
واسطے صحت جان کے عمل طیر تو ہے
جیسے اڑتی سی سنی ہے خبر قتل سفیر
پوچھتا پھرتا ہوں اک ایک سے کیوں خیر تو ہے
ساقیا چند گھڑے مے کے قدح خواروں میں
صرف للٰلہ اگر ہوں عمل خیر تو ہے
در گزر ہوتا ہے اور ہوگا بقدر امکاں
آخر کار یہ پاپوش و سر غیر تو ہے
کہہ لیے رندؔ نے سب قافیے کوئی نہ چھٹا
انگریزی مگر اک قافیۂ غیر تو ہے
رند لکھنوی
Deed gul-zar-e-jahaa'n kyo'n na karein sair tu hai
Deed gul-zar-e-jahaa'n kyo'n na karein sair, tu hai
Ek din jaante hain khatima bil-khair, tu hai
Rind! waiz se abas karte ho shar, khair tu hai
Dono'n ghar ek hi hain, Kaaba na sahi der, tu hai
Khusha-chee'n banta hai kyo'n mazra-e-har dehqaan ka
Wasf-e-insaa'n nahin yeh sifat-e-tair, tu hai
Na basar howegi be-nasha qadah-khwaaro'n ki
Ho agar mai ki munadi, hai falak-sair, tu hai
Aashna bahr-e-mohabbat ke shanawar hain sab
Tu bhi is aag ke darya ko agar peer, tu hai
Rind-o-waiz ke bakhedo'n mein bhala kaun pade
Sab ko maloom hai in dono'n mein ik bair, tu hai
Murgh-e-dil mardam-e-beemar pe sadqa kar daal
Waste sehat-e-jaan ke amal-e-tair, tu hai
Jaise udti si suni hai khabar qatl-e-safeer
Poochhta phirta hoon ek ek se kyo'n khair, tu hai
Saqiya! chand ghade mai ke qadah-khwaaro'n mein
Sarfe lillah agar ho'n amal-e-khair, tu hai
Dar-guzar hota hai aur hoga ba-qadr-e-amaa'n
Aakhir kaar yeh paapoosh-o-sar-e-ghair, tu hai
Keh liye Rind! ne sab qaafiye, koi na chhoota
Angrezi magar ik qaafiya ghair, tu hai
شاعر کے بارے میں
رند لکھنوی اردو کے کلاسیکی دبستانِ لکھنؤ کے ممتاز شاعر تھے جن کا اصل نام نواب سید محمد خاں تھا۔ وہ 1797ء میں فیض آباد، اودھ کے ایک معزز اور نوابی خ...
مکمل تعارف پڑھیں