آج انکار نہ فرمائیے آپ — رند لکھنوی
شاعر
آج انکار نہ فرمائیے آپ
آج انکار نہ فرمائیے آپ
شب کی شب گھر مرے رہ جائیے آپ
جائیے گھر کو نہ گھبرائیے آپ
ہم نہ مر جائیں گے بس جائیے آپ
کھول دو شوق سے بند انگیا کے
لیٹ کر ساتھ نہ شرمائیے آپ
آتے ہی کہتے ہو میں جاؤں گا
میں بھی آنے کا نہیں جائیے آپ
ڈھونڈھتے پھریے اگر لے کے چراغ
مجھ سا عاشق جو کہیں پائیے آپ
عمر بھر تو نہ قدم رنجہ کیا
آئیے اب تو نہ ترسائیے آپ
جان مشتاق لبوں پر آئی
کچھ وصیت ہے وہ سن جائیے آپ
دل سمجھتا نہیں مجھ سے ناصح
آپ سے سمجھے تو سمجھایئے آپ
سایہ ساں شوق میں افتاں خیزاں
ساتھ رہتا ہوں جدھر جائیے آپ
میں دکھاؤں جو جنوں کی ہے صفت
شان بے رحمی کی دکھلائیے آپ
ٹکڑے ٹکڑے میں گریباں کے کروں
پرزے پرزے مرے آڑائیے آپ
شاد ہو روح اگر بعد فنا
شمع و گل گور پہ بھجوائیے آپ
جان صدقے کروں کیا مال ہے جان
کاٹ دوں سر کو جو فرمائیے آپ
منہ پہ منہ رکھا تو بولے کیا خوب
پہلے منہ اپنا تو بنوایئے آپ
غیر کٹنے لگیں بندھ جائے ہوا
مجھ سے تکل اگر اڑوائیے آپ
نام تک لوں نہ کبھی ہوں وہ بشر
اب اگر حور بھی بن جائیے آپ
ہاتھ سے رندؔ کو کھوتے ہو عبث
کہیں ایسا نہ ہو پچھتائیے آپ
رند لکھنوی
Aaj inkaar na farmaaiye aap
Aaj inkaar na farmaaiye aap
Shab ki shab ghar mere rah jaaiye aap
Jaaiye ghar ko na ghabraaiye aap
Hum na mar jaayenge bas jaaiye aap
Khol do shauq se band angiya ke
Let kar saath na sharmaaiye aap
Aate hi kehte ho main jaaunga
Main bhi aane ka nahin jaaiye aap
Dhoondhte phiriye agar le ke chiragh
Mujh sa aashiq jo kahin paaiye aap
Umr bhar to na qadam ranja kiya
Aaiye ab to na tarsaiye aap
Jaan mushtaq labon par aai
Kuchh wasiyat hai woh sun jaaiye aap
Dil samajhta nahin mujh se naaseh
Aap se samjhe to samjhaaiye aap
Saya saan shauq mein iftan khezaan
Saath rehta huun jidhar jaaiye aap
Main dikhaun jo junoon ki hai sifat
Shaan-e-be rehmi ki dikhlaaiye aap
Tukde tukde mein girebaan ke karoon
Parze parze mere udaaiye aap
Shaad ho rooh agar ba'ad-e-fana
Shama' o gul gor pe bhijwaiye aap
Jaan sadqe karoon kya maal hai jaan
Kaat doon sar ko jo farmaaiye aap
Munh pe munh rakha to bole kya khoob
Pehle munh apna to banwaaiye aap
Ghair katne lagen bandh jaaye hawa
Mujh se takall agar udwaaiye aap
Naam tak loon na kabhi huun woh bashar
Ab agar hoor bhi ban jaaiye aap
Haath se Rind ko khote ho abas
Kahin aisa na ho pachhtaiye aap
شاعر کے بارے میں
رند لکھنوی اردو کے کلاسیکی دبستانِ لکھنؤ کے ممتاز شاعر تھے جن کا اصل نام نواب سید محمد خاں تھا۔ وہ 1797ء میں فیض آباد، اودھ کے ایک معزز اور نوابی خ...
مکمل تعارف پڑھیں