چڑھی تیرے بیمار فرقت کو تب ہے — رند لکھنوی
شاعر
چڑھی تیرے بیمار فرقت کو تب ہے
چڑھی تیرے بیمار فرقت کو تب ہے
بشدت قلق ہے نہایت تعب ہے
مریض محبت ترا جاں بلب ہے
تجاہل ستم ہے تغافل غضب ہے
وہ آفت ہے آفت ہے آفت ہے آفت
غضب ہے غضب ہے غضب ہے غضب ہے
گلی یار کی ہے قدم رکھوں کیوں کر
چلوں سر کے بل یاں مقام ادب ہے
جو ابرو دکھایا تو عارض بھی دکھلا
وہ قرآن ہے یہ ہلال رجب ہے
ہوئی صبح پیری کٹی اب جوانی
یہ جلنا فقط شمع ساں شب کی شب ہے
وہ زلف سیہ ہے کہ مشک ختن ہے
نہیں خط سواد دیار حلب ہے
کھلا کچھ نہ مجھ پر نہ آنے کا منشا
جہت کچھ تو فرمائیے کیا سبب ہے
جو شجرہ تھا مجنوں کا شجرہ ہے میرا
جو تھا قیس کا سلسلہ وہ نسب ہے
غنیمت سمجھ وقت فرصت کو غافل
نہ ہاتھ آئے گا پھر یہ موقع جو اب ہے
خدا کی خدائی کا جلوہ ہے او بت
یہ حسن جوانی نہیں شان رب ہے
کروں کیوں نہ سامان عشرت مہیا
شب وصل دلبر عروسی کی شب ہے
جسے لوگ کہتے ہیں شاہ خراساں
وہ بے شبہ ابن امیر عرب ہے
غلام اس کا ہوں جو ہے کوثر کا ساقی
جبھی رندؔ مے خوار میرا لقب ہے
رند لکھنوی
Cahdhi tere bemar-e-furqat ko tab hai
Cahdhi tere bemar-e-furqat ko tab hai
Ba-shiddat qalaq hai nihayat ta'ab hai
Mareez-e-mohabbat tera jaan-ba-lab hai
Tajāhul sitam hai taghaful ghazab hai
Woh aafat hai aafat hai aafat hai aafat
Ghazab hai ghazab hai ghazab hai ghazab hai
Gali yaar ki hai qadam rakhun kyun kar
Chaloon sar ke bal yan maqam-e-adab hai
Jo abroo dikhaya to ariz bhi dikhla
Woh Quran hai ye hilal-e-Rajab hai
Hui subh-e-peeri kati ab jawani
Ye jalna faqat shama-san shab ki shab hai
Woh zulf-e-siyah hai ke mushk-e-Khatan hai
Nahin khatt-e-sawad-e-diyar-e-Halab hai
Khula kuchh na mujh par na aane ka mansha
Jihat kuchh to farmayiye kya sabab hai
Jo shajra tha Majnoon ka shajra hai mera
Jo tha Qais ka silsila woh nasab hai
Ghanimat samajh waqt-e-fursat ko ghafil
Na haath aayega phir ye mauqa jo ab hai
Khuda ki khudai ka jalwa hai o but
Ye husn-e-jawani nahin shan-e-Rabb hai
Karoon kyun na saman-e-ishrat muhayya
Shab-e-wasl-e-dilbar uroosi ki shab hai
Jise log kehte hain Shah-e-Khorasan
Woh be-shuba ibn-e-ameer-e-Arab hai
Ghulam us ka hoon jo hai Kausar ka saqi
Jabhi Rind-e-mai-khwar mera laqab hai
شاعر کے بارے میں
رند لکھنوی اردو کے کلاسیکی دبستانِ لکھنؤ کے ممتاز شاعر تھے جن کا اصل نام نواب سید محمد خاں تھا۔ وہ 1797ء میں فیض آباد، اودھ کے ایک معزز اور نوابی خ...
مکمل تعارف پڑھیں