حیران سی ہے بھچک رہی ہے — رند لکھنوی
شاعر
حیران سی ہے بھچک رہی ہے
حیران سی ہے بھچک رہی ہے
نرگس کس گل کو تک رہی ہے
آئی ہے بہار غنچے چٹکے
کیا پھولوں کی بو مہک رہی ہے
مے خانے پہ مینہ برس رہا ہے
بجلی کیسی چمک رہی ہے
باقی ہے اثر ابھی جنوں کا
سودا تو گیا ہے جھک رہی ہے
پوچھو نہ جلن کا دل کے احوال
اک آگ پڑی دہک رہی ہے
نرگس کو تو آنکھ اٹھا کے دیکھو
کس یاس سے تم کو تک رہی ہے
لیلیٰ مجنوں کا رٹتی ہے نام
دیوانی ہوئی ہے بک رہی ہے
پیغام بہار آن پہونچا
بلبل کیا کیا چہک رہی ہے
مژگاں کا جو دل میں ہے تصور
اک پھانس پڑی کھٹک رہی ہے
ہو جائے گا رام رفتہ رفتہ
وحشت تو مٹی جھجک رہی ہے
باقی جو یہ جان ناتواں ہے
کیا زندوں میں ہے سسک رہی ہے
آنے کی ترے ہی منتظر ہے
او موت کہاں تو تھک رہی ہے
کیا شوخ ہے وہ سنہری رنگت
کندن کی طرح دمک رہی ہے
روئے رنگیں عرق فشاں ہے
شبنم گل سے ٹپک رہی ہے
ہم رندؔ ہیں بزم اپنی کس رات
بے جام مے و گزک رہی ہے
رند لکھنوی
Hairaan si hai bhachak rahi hai
Hairaan si hai, bhachak rahi hai
Nargis kis gul ko tak rahi hai
Aai hai bahar, ghunche chatke
Kya phoolo'n ki boo mehak rahi hai
Mai-khane pe meenh baras raha hai
Bijli kaisi chamak rahi hai
Baqi hai asar abhi junoo'n ka
Sauda to gaya hai, jhuk rahi hai
Poochho na jalan ka dil ke ahwaal
Ik aag padi dehak rahi hai
Nargis ko to aankh utha ke dekho
Kis yaas se tum ko tak rahi hai
Laila Majnoon ka ratti hai naam
Deewani hui hai, bak rahi hai
Paigham-e-bahar aan pohuncha
Bulbul kya kya chehak rahi hai
Mizhga'n ka jo dil mein hai tasawwur
Ik phaans padi khatak rahi hai
Ho jayega raam rafta rafta
Wahshat to miti, jhijhak rahi hai
Baqi jo yeh jaan-e-natawa'n hai
Kya zindo'n mein hai sisak rahi hai
Aane ki tere hi muntazir hai
O maut! kaha'n tu thak rahi hai
Kya shokh hai woh sunahri rangat
Kundan ki tarah damak rahi hai
Roo-e-rangeen araq-fisha'n hai
Shabnam gul se tapak rahi hai
Hum Rind! hain bazm apni kis raat
Be-jaam-e-mai-o-gazak rahi hai
شاعر کے بارے میں
رند لکھنوی اردو کے کلاسیکی دبستانِ لکھنؤ کے ممتاز شاعر تھے جن کا اصل نام نواب سید محمد خاں تھا۔ وہ 1797ء میں فیض آباد، اودھ کے ایک معزز اور نوابی خ...
مکمل تعارف پڑھیں