مجھے دے کے دل جان کھونا پڑا ہے — رند لکھنوی
شاعر
مجھے دے کے دل جان کھونا پڑا ہے
مجھے دے کے دل جان کھونا پڑا ہے
غرض ہاتھ دونوں سے دھونا پڑا ہے
جو رونا یہی ہے تو پھوٹیں گی آنکھیں
مجھے اب تو آنکھوں کا رونا پڑا ہے
کیے سیکڑوں گھر محبت نے غارت
سنو جس محلے میں رونا پڑا ہے
میں پاتا نہیں دل کو سینے میں اپنے
کئی دن سے خالی یہ کونا پڑا ہے
کرو چل کے آباد اب گور اے رندؔ
بہت دن سے سونا وہ کونا پڑا ہے
رند لکھنوی
Mujhe de ke dil jaan khona pada hai
Mujhe de ke dil jaan khona pada hai
Gharz haath dono'n se dhona pada hai
Jo rona yahi hai to phootengi aankhe'n
Mujhe ab to aankho'n ka rona pada hai
Kiye saikdo'n ghar mohabbat ne ghaarat
Suno jis mohalle mein rona pada hai
Main pata nahin dil ko seene mein apne
Kai din se khali yeh kona pada hai
Karo chal ke abaad ab gor aye Rind!
Bahut din se soona woh kona pada hai
شاعر کے بارے میں
رند لکھنوی اردو کے کلاسیکی دبستانِ لکھنؤ کے ممتاز شاعر تھے جن کا اصل نام نواب سید محمد خاں تھا۔ وہ 1797ء میں فیض آباد، اودھ کے ایک معزز اور نوابی خ...
مکمل تعارف پڑھیں