نیست بے یار مجھ کو ہستی ہے — رند لکھنوی
شاعر
نیست بے یار مجھ کو ہستی ہے
نیست بے یار مجھ کو ہستی ہے
شہر ویراں اجاڑ بستی ہے
ہے جہاں پر مرا قدم بھاری
ہر قدم پر زمین دھنستی ہے
وہ پری ساتھ لے کے سوتا ہوں
حور جس کا پلنگ کستی ہے
ہے حقیقت مجاز سے مطلوب
بت پرستی خدا پرستی ہے
اس کے کشتے ہیں زندۂ جاوید
نیستی ان کی عین ہستی ہے
ایک بت نے دیا نہ ہم کو جواب
بے زبانوں کی ہند بستی ہے
خاکساروں کی ہے یہی معراج
سربلندی ہماری پستی ہے
ہے کئی دن سے گھات میں صیاد
عندلیب آج کل میں پھنستی ہے
اس مرقع کی دیکھ تصویریں
کوئی روتی ہے کوئی ہنستی ہے
منزل عشق کی ہے رہ ہموار
نہ بلندی ہے یاں نہ پستی ہے
حسن دکھلا رہا ہے قدرت حق
بت کو بھی ذوق خود پرستی ہے
جاں بھی دے کر ملے تو مفت سمجھ
ہر طرح جنس حسن سستی ہے
زلف اس کی سیاہ ناگن ہے
مار رکھتی ہے جس کو ڈستی ہے
کھلیں گی آنکھیں نشہ اترے گا
حسن تک اوپری یہ مستی ہے
ایسے جینے پہ رندؔ خاک پڑے
موت اس زندگی پہ ہنستی ہے
رند لکھنوی
Neest be-yaar mujh ko hasti hai
Neest be-yaar mujh ko hasti hai
Shehr-e-veera'n, ujaad basti hai
Hai jahaa'n par mera qadam bhari
Har qadam par zameen dhansati hai
Woh pari saath le ke sota hoon
Hoor jis ka palang kasti hai
Hai haqeeqat majaz se matloob
But-parasti Khuda-parasti hai
Us ke kushto'n hi zinda-e-javeed
Neesti un ki ain hasti hai
Ek but ne diya na hum ko jawab
Be-zabano'n ki Hind basti hai
Khaksaro'n ki hai yahi mairaj
Sar-balandi hamari pasti hai
Hai kai din se ghaat mein sayyad
Andleeb aaj kal mein phansti hai
Is muraqqa ki dekh tasveere'n
Koi roti hai, koi hansti hai
Manzil-e-ishq ki hai reh hamwar
Na bulandi hai yaa'n na pasti hai
Husn dikhla raha hai qudrat-e-haq
But ko bhi zauq-e-khud-parasti hai
Jaan bhi de kar mile to muft samajh
Har tarah jins-e-husn sasti hai
Zulf us ki siyah naagan hai
Maar rakhti hai, jis ko dasti hai
Khule'n gi aankhe'n, nasha utrega
Husn tak upri yeh masti hai
Aise jeene pe Rind! khaak pade
Maut is zindagi pe hansti hai
شاعر کے بارے میں
رند لکھنوی اردو کے کلاسیکی دبستانِ لکھنؤ کے ممتاز شاعر تھے جن کا اصل نام نواب سید محمد خاں تھا۔ وہ 1797ء میں فیض آباد، اودھ کے ایک معزز اور نوابی خ...
مکمل تعارف پڑھیں