رکھو خدمت میں مجھ سے کام تو لو — رند لکھنوی
شاعر
رکھو خدمت میں مجھ سے کام تو لو
رکھو خدمت میں مجھ سے کام تو لو
بات کرتے نہیں سلام تو لو
مے پیو تم سرور ہو مجھ کو
ہاتھ سے میرے ایک جام تو لو
بات تم نے نہیں کی غیر سے کل
سر پہ اللہ کا کلام تو لو
بندہ ہوتا ہوں آپ کا بے دام
ہووے درکار اگر غلام تو لو
ناز و انداز حسن و خوبی میں
کون ہے تم سا اس کا نام تو لو
آپ فرمائیں جو بجا لاؤں
کبھی مجھ سے بھی کوئی کام تو لو
منہ سے آنے لگے گی عطر کی بو
نام گیسوئے مشک فام تو لو
پہلے کر لو رسائی زلف تلک
سلسلے کو جنوں کے تھام تو لو
پھر تڑپ لیجیو گرفتارو
دم بھر آرام زیر دام تو لو
مے پیو جو نہیں پلاتے ہو
مجھ کو دیتے نہیں ہو جام تو لو
ناز بردار دوسرا مجھ سا
کون عاشق ہے اس کا نام تو لو
رندؔ حاضر ہیں شیشہ و ساغر
مے نہ سمجھو اگر حرام تو لو
رند لکھنوی
Rakho khidmat mein mujh se kaam to lo
Rakho khidmat mein mujh se kaam to lo
Baat karte nahin salaam to lo
Mai piyo tum suroor ho mujh ko
Haath se mere ek jaam to lo
Baat tum ne nahin ki ghair se kal
Sar pe Allah ka kalam to lo
Banda hota hoon aap ka be-daam
Hove darkaar agar ghulam to lo
Naaz o andaaz-e-husn o khoobi mein
Kaun hai tum sa is ka naam to lo
Aap farmaein jo baja laaun
Kabhi mujh se bhi koi kaam to lo
Munh se aane lagegi itr ki bu
Naam gesoo-e-mushk-faam to lo
Pehle kar lo rasai zulf talak
Silsile ko junoon ke thaam to lo
Phir tadap leejiye giraftaro
Dam bhar aaram zair-e-daam to lo
Mai piyo jo nahin pilate ho
Mujh ko dete nahin ho jaam to lo
Naaz-bardar doosra mujh sa
Kaun aashiq hai is ka naam to lo
Rind hazir hain sheesha o saaghar
Mai na samjho agar haraam to lo
شاعر کے بارے میں
رند لکھنوی اردو کے کلاسیکی دبستانِ لکھنؤ کے ممتاز شاعر تھے جن کا اصل نام نواب سید محمد خاں تھا۔ وہ 1797ء میں فیض آباد، اودھ کے ایک معزز اور نوابی خ...
مکمل تعارف پڑھیں