الفت نہ کروں گا اب کسی کی — رند لکھنوی
شاعر
الفت نہ کروں گا اب کسی کی
الفت نہ کروں گا اب کسی کی
دشمن ہوا جس سے دوستی کی
حالت کہوں اپنی بے خودی کی
دل دے کے سنو جو میرے جی کی
اول اول بھلائیاں کیں
آخر آخر بہت بری کی
مصروف ہے سینہ کوبی میں دل
آتی ہے صدا دھڑا دھڑی کی
الفت پہ تیری خاتمہ ہے
اب لے لے قسم تو عاشقی کی
کرتے رہے اختراع آپھی
تقلید نہ کی کبھی کسی کی
رونے پہ میرے ہنستے ہیں آپ
ہنس لیجئے بات ہے ہنسی کی
کیوں کر نہ فریفتہ ہو انساں
تن حور کا شکل ہے پری کی
شیریں دہنو نہیں ہے زیبا
تم باتیں کرو نہ پھیکی پھیکی
دیوانہ ہوا ہوں اک پری کا
تقصیر یہ ہے تو واقعی کی
بے یار ہے دل کباب ساقی
تکلیف نہ کر تو مے کشی کی
آنکھیں لڑیں تجھ سے میں ہوا قتل
ان ترکوں نے جنگ زرگری کی
کرنے دو بدی جو کرتے ہیں غیر
سنتا نہیں رندؔ وہ کسی کی
رند لکھنوی
Ulfat na karunga ab kisi ki
Ulfat na karunga ab kisi ki
Dushman hua jis se dosti ki
Halat kahu'n apni bekhudi ki
Dil de ke suno jo mere jee ki
Awwal awwal bhalaaiya'n ki'n
Aakhir aakhir bahut buri ki
Masroof hai seena-kobi mein dil
Aati hai sada dhada dhadi ki
Ulfat pe teri khatima hai
Ab le le qasam tu aashiqui ki
Karte rahe ikhtira' aa-phiri
Taqlid na ki kabhi kisi ki
Rone pe mere hanste hain aap
Hans leejiye baat hai hansi ki
Kyo'n kar na farefta ho insaa'n
Tan hoor ka shakal hai pari ki
Shireen-dahno nahin hai zaiba
Tum baatein karo na pheeki pheeki
Deewana hua hoon ik pari ka
Taqsir yeh hai to waaqai ki
Be-yaar hai dil kabab saqi
Taklif na kar tu mai-kashi ki
Aankhe'n ladi'n tujh se main hua qatl
In Turko'n ne jang-e-zargari ki
Karne do badi jo karte hain ghair
Sunta nahin Rind! woh kisi ki
شاعر کے بارے میں
رند لکھنوی اردو کے کلاسیکی دبستانِ لکھنؤ کے ممتاز شاعر تھے جن کا اصل نام نواب سید محمد خاں تھا۔ وہ 1797ء میں فیض آباد، اودھ کے ایک معزز اور نوابی خ...
مکمل تعارف پڑھیں