وقار شاہ ذوی الاقتدار دیکھ چکے — رند لکھنوی

Waqar-e-Shah Zawi-ul-Iqtidar dekh chuke

Waqar-e-Shah Zawi-ul-Iqtidar dekh chuke
Zahoor-e-qudrat-e-Parwardigar dekh chuke
Naqab khol ke roo-e-nigar dekh chuke
Kuchh ek baar nahin laakh baar dekh chuke
Jahan ke aish o gham-e-rozgar dekh chuke
Jo dekhta tha so Parwardigar dekh chuke
Woh jeete ji hue eeza se naza' ki aagah
Jo sadme tere shab-e-intezar dekh chuke
Khuda ke waaste ab chhod jism-e-khaki ko
Aziyatain bahut o jaan-e-zaar dekh chuke
Junoon ne khoob dikhayi bahar-e-jaib o kinar
Hawa mein udte hue taar taar dekh chuke
Woh qaol ghair ko dete hain lete hain iqrar
Teri taraf ko dil-e-beqarar dekh chuke
Yaqeen hai ab na karein mere qatl mein taakheer
Fasan chatta ke woh khanjar ki dhaar dekh chuke
Na daal pech mein khatir na ab pareshan kar
Bahut se dard-e-sar o zulf-e-yaar dekh chuke
Kare woh zeenat-e-fitrak ya halal kare
Kahin idhar ko bhi woh shehswar dekh chuke
Na pahuncha ek bhi zarra tumhare daaman tak
Uda ke khaak bhi hum khaksar dekh chuke
Hue safed o siyah jahan se waqif
Bahut si gardish-e-lail o nahaar dekh chuke
Kiye hain khoob se nazare bagh-e-hasti ke
Jahan ko bas mere Parwardigar dekh chuke
Ilahi tu ne sharaf jis ko aasman pe diya
Woh sar zameen bhi ye khaksar dekh chuke
Nahin hai ek mein himmat ye woh zamana hai
Ghareeb dekh chuke maal-dar dekh chuke
Tahi hai nasha-e-ulfat se ye kham-e-gardoon
Sharaben pee ke tere baada-khwar dekh chuke
Kulah-e-kaj ko hata kar dikha diya abroo
Qasam Ali ki kheenchhi Zulfiqar dekh chuke
Bhala woh khaak karein qasd-e-bazm-e-hasti ka
Jo log rahat-e-kunj-e-mazar dekh chuke
Hua yaqeen farishton ko khaksari ka
Kafan likha jo ye khatt-e-ghubar dekh chuke
Amame-baaz jo ye kanthe ghate wale hain
Jahan mein jaise hain zi-e-aitibar dekh chuke
Uthayi geere hain sab ja'l saaz hain mufsid
Kuchh ek do nahin hum to hazar dekh chuke
Sawaye zaat-e-Khuda sab ke waaste hai fana
Sabat-e-hasti-e-na-payedar dekh chuke
Qasoor-e-bakht hai phir jaein ab agar mahroom
Dar-e-Kareem to ummeedwar dekh chuke
Hazar shukr ke baqi nahin koi hasrat
Bahar teri bhi o gul-uzar dekh chuke
Najaf ko le gaye maiyat farishta nikaal
Azeez khol ke mera mazaar dekh chuke
Faqeer bhi mutarassid-e-nigah-e-lutf ka hai
Idhar bhi Rind mera shehryaar dekh chuke