عدل کی دھجیاں جب بھی اُڑائی جاتی ہیں — سجاد رضا
شاعر
عدل کی دھجیاں جب بھی اُڑائی جاتی ہیں
عدل کی دھجیاں جب بھی اُڑائی جاتی ہیں
صدائیں عرش پہ دینے دُہائی جاتی ہیں
رُکے گا کون کڑے وقت میں سرِ میداں
وفائیں جان کے بدلے نبھائی جاتی ہیں
اُسی کی خلق کو دھوکے سے لوٹنے کے لئے
اُسی کے نام کی قسمیں اُٹھائی جاتی ھیں
اُس ایک حد پہ نہ سنسار یہ چلا جائے
جہاں عذاب کی خبریں سنائی جاتی ہیں
ترقی کرکے بھی انسانیت گری ہی رہی
جو زندہ بیٹیاں اب بھی جلائی جاتی ہیں
رفاقتیں بھی کئی آگے جاں سے ہوتی ہیں
عتاب سہتے ھوئے بھی نبھائی جاتی ہیں
کہ بایاں ھاتھ بھی لاعلم رہے دائیں سے
یہاں تو نیکیاں جگ کو دکھائی جاتی ہیں
اُمیدیں بس وہی بنتیں رضا اذیت ہیں
بجز خدا جو کسی سے لگائی جاتی ہیں
Adl Ki Dhajjiyan Jab Bhi Udayi Jati Hain
Adl ki dhajjiyan jab bhi udayi jati hain
Sadayen arsh pe dene duhai jati hain
Ruke ga kaun kade waqt mein sar-e-maidaan
Wafayen jaan ke badle nibhayi jati hain
Usi ki khalq ko dhoke se lootne ke liye
Usi ke naam ki qasmein uthayi jati hain
Us ek had pe na sansar yeh chala jaye
Jahan azab ki khabrein sunayi jati hain
Taraqqi kar ke bhi insaniyat giri hi rahi
Jo zinda betiyan ab bhi jalayi jati hain
Rifaqatein bhi kayi aage jaan se hoti hain
Ataab sehte hue bhi nibhayi jati hain
Ke bayan haath bhi la-ilm rahe dayen se
Yahan toh nekiyan jag ko dikhayi jati hain
Umeedein bas wohi banti hain Raza aziyat hain
Bajuz Khuda jo kisi se lagayi jati hain
شاعر کے بارے میں
احساس زندہ ھے تو انسان زندہ ھے اور احساس کو زبان دینا،الفاظ دیناعطا ھے۔۔۔۔ ظُلمت کے اس جنگل میں ھم زندہ ھیں مظلوموں سے کہہ دو ھم شرمندہ ھیں (سجا...
مکمل تعارف پڑھیں