کیا بیاں خدوخال کرتے ہیں — سجاد رضا
شاعر
کیا بیاں خدوخال کرتے ہیں
کیا بیاں خدوخال کرتے ہیں
آئینے جو سوال کرتے ہیں
ھے کسی کی مجال، ماضی تھا
لوگ اب تو مجال کرتے ہیں
جان لیں گر کسی کی کمزوری
لوگ جینا محال کرتے ہیں
بنا کانٹوں کے پھول کی چاہت
آپ بھی تو کمال کرتے ہیں
میں مشقت سے تو نہیں ڈرتا
بس رویے نڈھال کرتے ہیں
زخم دیتے ہیں لوگ دانستہ
پھر یوں کاہے ملال کرتے ہیں
شوق ھے یار کو منانے کا
آو مل کر دھمال کرتے ہیں
آپ پردیس بھلا کیا جانیں
آپ کیا دن کو سال کرتے ہیں
جان لیں انتقام باقی ہے
ہم جو پرچم کو لال کرتے ہیں
وقت بیچا ضرور ہے ھم نے
مطمئن ہیں حلال کرتے ہیں
جو ہوا اک خیال تھا پہلے
یعنی سب کچھ خیال کرتے ہیں
آج ماں باپ سے ملا تھارضا
خواب ماضی کو حال کرتے ہیں
سجاد رضا
Kya bayaan khad-o-khaal karte hain
Kya bayaan khad-o-khaal karte hain
Aayine jo sawal karte hain
Hai kisi ki majaal, maazi tha
Log ab toh majaal karte hain
Jaan lein gar kisi ki kamzori
Log jeena mahal karte hain
Bina kaanton ke phool ki chahat
Aap bhi toh kamaal karte hain
Main mashaqqat se toh nahi darta
Bas ruiye nidhaal karte hain
Zakhm dete hain log danista
Phir yun kaahe malaal karte hain
Shauq hai yaar ko manane ka
Aao mil kar dhamaal karte hain
Aap pardes bhala kya jaanein
Aap kya din ko saal karte hain
Jaan lein intiqam baaqi hai
Hum jo parcham ko laal karte hain
Waqt becha zaroor hai hum ne
Mutma'in hain halal karte hain
Jo hua ik khayal tha pehle
Yaani sab kuch khayal karte hain
Aaj Maa Baap se mila tha Raza
Khwab maazi ko haal karte hain
شاعر کے بارے میں
احساس زندہ ھے تو انسان زندہ ھے اور احساس کو زبان دینا،الفاظ دیناعطا ھے۔۔۔۔ ظُلمت کے اس جنگل میں ھم زندہ ھیں مظلوموں سے کہہ دو ھم شرمندہ ھیں (سجادرضا)
مکمل تعارف پڑھیں