لب پہ اپنے سدا دعا رکھنا — سجاد رضا
شاعر
لب پہ اپنے سدا دعا رکھنا
لب پہ اپنے سدا دعا رکھنا
دل میں آجائے گا خدا رکھنا
سارے روشن دنوں کے ساتھی ھیں
بس اندھیروں میں حوصلہ رکھنا
لوگ تنقید نہیں سہہ پاتے
آئینے ہی سے بس گلہ رکھنا
چھوڑ جانا ھےاس زمانے کو
خیر کا جاری سلسلہ رکھنا
پھر سے عادی کہیں نہ ھوجاو
اب تعلق میں فاصلہ رکھنا
دل نے ہر بار درد جھیلے ھیں
اب کے دل پہ نہ فیصلہ رکھنا
ایسی تنہائی بھی تو غربت ھے
ساتھ میں جبکہ قافلہ رکھنا
اپنی تعبیر تک نہ ظاہر ھوں
خواب دل میں کہیں چُھپا رکھنا
جرم ثابت ھوا رضا ھم پہ
اندھے لوگوں میں آئینہ رکھنا
Lab pe apne sada dua rakhna
Lab pe apne sada dua rakhna
Dil mei'n aa jaayega Khuda rakhna
Saare roshan dino'n ke saathi hai'n
Bas andhero'n mei'n hausla rakhna
Log tanqeed nahi'n seh paate
Aayine hi se bas gila rakhna
Chhod jaana hai is zamane ko
Khair ka jaari silsila rakhna
Phir se aadi kahi'n na ho jaao
Ab taalluq mei'n faasla rakhna
Dil ne har baar dard jhele hai'n
Ab ke dil pe na faisla rakhna
Aisi tanhaai bhi toh ghurbat hai
Saath mei'n jabke qaafila rakhna
Apni taabeer tak na zaahir hu'n
Khwab dil mei'n kahi'n chhupa rakhna
Jurm saabit hua Raza hum pe
Andhe logo'n mei'n aayina rakhna
شاعر کے بارے میں
احساس زندہ ھے تو انسان زندہ ھے اور احساس کو زبان دینا،الفاظ دیناعطا ھے۔۔۔۔ ظُلمت کے اس جنگل میں ھم زندہ ھیں مظلوموں سے کہہ دو ھم شرمندہ ھیں (سجا...
مکمل تعارف پڑھیں