تُو ھے مُجھ میں چُھپا عیاں ہوجا — سجاد رضا
شاعر
تُو ھے مُجھ میں چُھپا عیاں ہوجا
تُو ھے مُجھ میں چُھپا عیاں ہوجا
دل کے مَندر میں تو ا٘ذاں ہوجا
چُپ رہوں گر تو مجھ پہ ظاہر ہو
لب جو کھولوں تو ہی زباں ہوجا
نین دیکھیں جو تو دکھائے انھیں
تیر نظریں ہیں ، تُو کماں ہوجا
کھول دے قُفل میرے سینے کے
اس اندھیرے میں ضَوفِشاں ہوجا
تو جو اک بار دل میں دِکھ جائے
کون چاہے گا، لا مکاں ہو جا
اپنے اندر سفر یقین سے کر
بے یقینی سے بےگُماں ہوجا
گر جہاں میں بلند ہونا ہے
درد مندوں کی تو فُغاں ہوجا
عشق خاموش تُو غنیمت ہے
دار زینت ھے گر بیاں ہوجا
پالے اپنا سُراغ خود ہی رضا
اپنے اندر ہی اِک جہاں ہوجا
Tu Hai Mujh Mein Chhupa Ayaan Hoja
Tu hai mujh mein chhupa ayaan hoja
Dil ke mandar mein tu azan hoja
Chup rahoon gar toh mujh pe zahir ho
Lab jo kholoon toh hi zabaan hoja
Nain dekhen jo tu dikhaye inhe
Teer nazrein hain, tu kamaan hoja
Khol de qufl mere seene ke
Is andhere mein zawfishaan hoja
Tu jo ek baar dil mein dikh jaye
Kaun chahega, la makaan hoja
Apne andar safar yaqeen se kar
Be-yaqeeni se be-gumaan hoja
Gar jahan mein buland hona hai
Dard mandon ki tu fughan hoja
Ishq khamosh tu ghaneemat hai
Dar-e-zeenat hai gar bayan hoja
Paale apna suraagh khud hi Raza
Apne andar hi ek jahan hoja
شاعر کے بارے میں
احساس زندہ ھے تو انسان زندہ ھے اور احساس کو زبان دینا،الفاظ دیناعطا ھے۔۔۔۔ ظُلمت کے اس جنگل میں ھم زندہ ھیں مظلوموں سے کہہ دو ھم شرمندہ ھیں (سجا...
مکمل تعارف پڑھیں