آدمی کو رہ دکھانے کے لئے موجود ہیں — ثروت حسین
شاعر
آدمی کو رہ دکھانے کے لئے موجود ہیں
آدمی کو رہ دکھانے کے لئے موجود ہیں
کچھ ستارے جگمگانے کے لئے موجود ہیں
ابر دیواریں سمندر اور نادیدہ افق
رہروؤں کو آزمانے کے لئے موجود ہیں
کیوں گرفتہ دل نظر آتی ہے اے شام فراق
ہم جو تیرے ناز اٹھانے کے لئے موجود ہیں
دیکھتا رہتا ہوں اشیائے تصرف کی طرف
یہ کھلونے ٹوٹ جانے کے لئے موجود ہیں
کون کر سکتا ہے ایسے میں کسی دریا کا رخ
جب وہ آنکھیں ڈوب جانے کے لئے موجود ہیں
میں درختوں سے مخاطب ہوں خدائے عز و جل
جو زمیں پر سر اٹھانے کے لئے موجود ہیں
Aadmi ko rah dikhaane ke liye maujood hain
Aadmi ko rah dikhaane ke liye maujood hain
Kuchh sitaare jagmagaane ke liye maujood hain
Abr, deewaarein, samandar aur naa-deeda ufaq
Rahrawon ko aazmaane ke liye maujood hain
Kyun girafta dil nazar aati hai ae shaam-e-firaaq
Hum jo tere naaz uthaane ke liye maujood hain
Dekhta rehta hoon ashya-e-tasarruf ki taraf
Yeh khilaune toot jaane ke liye maujood hain
Kaun kar sakta hai aise mein kisi darya ka rukh
Jab woh aankhein doob jaane ke liye maujood hain
Main darakhton se mukhatib hoon Khuda-e-izz-o-jal
Jo zameen par sar uthaane ke liye maujood hain
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں