آنکھ تاریک مری جسم ہے روشن میرا — ثروت حسین
شاعر
آنکھ تاریک مری جسم ہے روشن میرا
آنکھ تاریک مری جسم ہے روشن میرا
در و دیوار سے ٹکراتا ہے آہن میرا
اور اب ہاتھ مرا قبضۂ شمشیر پہ ہے
یہی جوہر ہے مرا اور یہی فن میرا
آج میں تم کو جلانے کے لیے آیا ہوں
تم نے اک روز اجاڑا تھا نشیمن میرا
صورت ابر برستے رہیں بازو تیرے
آگ کی طرح دہکتا رہے گلشن میرا
تم جہاں جرم ضعیفی کی سزا پاتے ہو
اسی سیارے پہ موجود ہے بچپن میرا
Aankh taareek meri jism hai roshan mera
Aankh taareek meri jism hai roshan mera
Dar-o-deewar se takraata hai aahan mera
Aur ab haath mera qabza-e-shamshir pe hai
Yehi jauhar hai mera aur yehi fan mera
Aaj main tum ko jalane ke liye aaya hoon
Tum ne ek roz ujaada tha nasheman mera
Soorat-e-abr baraste rahen baazu tere
Aag ki tarah dahakta rahe gulshan mera
Tum jahan jurm-e-za'eefi ki saza paate ho
Usi sayyare pe maujood hai bachpan mera
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں