بھر جائیں گے جب زخم تو آؤں گا دوبارا — ثروت حسین
شاعر
بھر جائیں گے جب زخم تو آؤں گا دوبارا
بھر جائیں گے جب زخم تو آؤں گا دوبارا
میں ہار گیا جنگ مگر دل نہیں ہارا
روشن ہے مری عمر کے تاریک چمن میں
اس کنج ملاقات میں جو وقت گزارا
اپنے لیے تجویز کی شمشیر برہنہ
اور اس کے لیے شاخ سے اک پھول اتارا
کچھ سیکھ لو لفظوں کو برتنے کا سلیقہ
اس شغل میں گزرا ہے بہت وقت ہمارا
لب کھولے پری زاد نے آہستہ سے ثروتؔ
جوں گفتگو کرتا ہے ستارے سے ستارا
Bhar jaayenge jab zakhm to aaunga dobara
Bhar jaayenge jab zakhm to aaunga dobara
Main haar gaya jung magar dil nahin hara
Roshan hai meri umr ke tareek chaman mein
Us kunj-e-mulaqat mein jo waqt guzara
Apne liye tajweez ki shamsheer-e-barahna
Aur us ke liye shaakh se ek phool utara
Kuch seekh lo lafzon ko baratne ka saleeqa
Is shughl mein guzra hai bahut waqt hamara
Lab khole pari-zaad ne aahista se Sarwat
Jyon guftugu karta hai sitare se sitara
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں