دن نکلے تو میں بھی دیکھوں — ثروت حسین
شاعر
دن نکلے تو میں بھی دیکھوں
دن نکلے تو میں بھی دیکھوں
باغیچے کا رنگ ہے کیسا
نیلے پھولوں والی بیلیں
اب تو چھت کو چھوتی ہوں گی
آسمان کی رنگت کیا ہے
اور ہوا میں اڑتے پکشی
کوئی سندیسہ دیتے ہوں گے
بام کی اونچائی کے اوپر میرا سورج
کس پوشاک میں نکلا ہوگا
اور کوئی انجانا دشمن
میری تاک میں نکلا ہوگا
Din nikle to main bhi dekhoon
Din nikle to main bhi dekhoon
Baaghiche ka rang hai kaisa
Neele phoolon wali belein
Ab to chhat ko chooti hongi
Aasmaan ki rangat kya hai
Aur hawa mein udte pakshi
Koi sandesa dete honge
Baam ki oonchai ke upar mera suraj
Kis poshak mein nikla hoga
Aur koi anjaana dushman
Meri taak mein nikla hoga
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں