فرات فاصلہ سے دجلۂ دعا سے ادھر — ثروت حسین
شاعر
فرات فاصلہ سے دجلۂ دعا سے ادھر
فرات فاصلہ سے دجلۂ دعا سے ادھر
کوئی پکارتا ہے دشت نینوا سے ادھر
کسی کی نیم نگاہی کا جل رہا ہے چراغ
نگار خانۂ آغاز و انتہا سے ادھر
میں آگ دیکھتا تھا آگ سے جدا کر کے
بلا کا رنگ تھا رنگینیٔ قبا سے ادھر
میں راکھ ہو گیا طاؤس رنگ کو چھو کر
عجیب رقص تھا دیوار پیش پا سے ادھر
زمین میرے لیے پھول لے کے آتی ہے
بساط معرکۂ صبر آزما سے ادھر
یہ میرے ہونٹ سمندر کو چوم سکتے ہیں
حکایت شب افراد و آئینہ سے ادھر
Furaat fasle se Dajla dua se idhar
Furaat fasle se Dajla dua se idhar
Koi pukarta hai dasht-e-Nainawa se idhar
Kisi ki neem nigahi ka jal raha hai chiragh
Nigaar khana-e-aghaz-o-intiha se idhar
Main aag dekhta tha aag se juda kar ke
Balaa ka rang tha rangeeni-e-qaba se idhar
Main raakh ho gaya taaus rang ko chhoo kar
Ajeeb raqs tha deewar-e-pesh-paa se idhar
Zameen mere liye phool le ke aati hai
Bisaat-e-maarka-e-sabr-aazma se idhar
Ye mere hont samundar ko choom sakte hain
Hikayat-e-shab-e-afraad-o-aaina se idhar
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں