گردش سیارگاں خوب ہے اپنی جگہ — ثروت حسین
شاعر
گردش سیارگاں خوب ہے اپنی جگہ
گردش سیارگاں خوب ہے اپنی جگہ
اور یہ اپنا مکاں خوب ہے اپنی جگہ
اے دل آشفتہ سر رات اندھیری ہے پر
رقص ترا شمع ساں خوب ہے اپنی جگہ
کاغذ آتش زدہ تیری حکایت ہی کیا
پھر بھی تماشائے جاں خوب ہے اپنی جگہ
ہجر نژادوں کا ہے ایک الگ ہی جہاں
اس سے نہ ملنا یہاں خوب ہے اپنی جگہ
سیر بیاباں و در عقدہ کشا نیز
رنج مسافت میاں خوب ہے اپنی جگہ
چہرۂ بلقیس پر آنکھ ٹھہرتی نہیں
صبح یمن کا سماں خوب ہے اپنی جگہ
Gardish-e-sayyargaan khoob hai apni jagah
Gardish-e-sayyargaan khoob hai apni jagah
Aur yeh apna makaan khoob hai apni jagah
Aye dil-e-ashufta-sar raat andheri hai par
Raqs tera shama' saan khoob hai apni jagah
Kaghaz-e-aatish-zada teri hikayat hi kya
Phir bhi tamasha-e-jaan khoob hai apni jagah
Hijr nazhaadon ka hai ek alag hi jahaan
Is se na milna yahan khoob hai apni jagah
Sair-e-bayaaban o dar uqda kusha neez
Ranj-e-musafat miyan khoob hai apni jagah
Chehra-e-Bilqees par aankh thehrti nahin
Subh-e-Yaman ka samaan khoob hai apni jagah
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں