گیتوں سے جب بھر جاتا ہوں گانے لگتا ہوں — ثروت حسین
شاعر
گیتوں سے جب بھر جاتا ہوں گانے لگتا ہوں
گیتوں سے جب بھر جاتا ہوں گانے لگتا ہوں
دیواروں سے اپنا سر ٹکرانے لگتا ہوں
کانٹوں کا ملبوس پہن کر آتا ہوں باہر
اور مٹی پر اپنے پھول بنانے لگتا ہوں
ساری رات بنا کرتا ہوں ایک سنہرا جال
صبح کے ہوتے ہوتے جال بچھانے لگتا ہوں
اپنے ہی بچوں کی چیخیں کان میں آتی ہیں
جب بھی کسی بستی کو آگ لگانے لگتا ہوں
وہ بھی تھک کر گر جاتی ہے میرے بازو پر
رفتہ رفتہ میں بھی ہوش میں آنے لگتا ہوں
پہلے اس کے نام کو لکھ کر تکتا ہوں پہروں
پھر اس آگ سے اپنے زخم جلانے لگتا ہوں
Geeton se jab bhar jaata hoon gaane lagta hoon
Geeton se jab bhar jaata hoon gaane lagta hoon
Deevaron se apna sar takraane lagta hoon
Kaanton ka malboos pehan kar aata hoon bahar
Aur mitti par apne phool banaane lagta hoon
Saari raat bana karta hoon ek sunehra jaal
Subah ke hote hote jaal bichhaane lagta hoon
Apne hi bachchon ki cheekhen kaan mein aati hain
Jab bhi kisi basti ko aag lagaane lagta hoon
Woh bhi thak kar gir jaati hai mere baazu par
Rafta rafta main bhi hosh mein aane lagta hoon
Pehle us ke naam ko likh kar takta hoon pehron
Phir us aag se apne zakhm jalaane lagta hoon
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں