ہنس اور جھیل — ثروت حسین
شاعر
ہنس اور جھیل
ہنس بتائے کیا جو کچھ اندر جھیل میں
جو کچھ اندر جھیل میں اوپر لائے کیا
اوپر لائے کیا اندر کا آکاش
اندر کا آکاش گونجے آٹھ پہر
گونجے آٹھ پہر اس کا نیک قدم
اس کا نیک قدم مٹی کے مابین
مٹی کے مابین گندم اور جوار
گندم اور جوار کھیتوں کا امکان
کھیتوں کا امکان جیسے بیج میں پھول
جیسے بیج میں پھول جیسے جسم میں جان
جیسے جسم میں جان پر تولے ہر آن
پر تولے ہر آن ایک پرند مہان
ایک پرند مہان بارش سا منہ زور
بارش سا منہ زور نکلا ایک سوار
نکلا ایک سوار اندر کی محراب سے
اندر کی محراب سے سورج کا سندیس
سورج کا سندیس جھیل کا پہلا عکس
جھیل کا پہلا عکس تہ کا ایک چراغ
تہ کا ایک چراغ جاگے اندر جھیل میں
جاگے اندر جھیل میں رنگوں کا پاتال
رنگوں کا پاتال اوپر لائے کیا
اوپر لائے کیا جو کچھ اندر جھیل میں
جو کچھ اندر جھیل میں ہنس بتائے کیا
Hans aur jheel
Hans bataye kya jo kuch andar jheel mein
Jo kuch andar jheel mein oopar laye kya
Oopar laye kya andar ka aakash
Andar ka aakash goonje aath pehar
Goonje aath pehar us ka nek qadam
Us ka nek qadam mitti ke maabain
Mitti ke maabain gandum aur jowar
Gandum aur jowar kheton ka imkaan
Kheton ka imkaan jaise beej mein phool
Jaise beej mein phool jaise jism mein jaan
Jaise jism mein jaan par tole har aan
Par tole har aan ek parind mahaan
Ek parind mahaan barish sa munh zor
Barish sa munh zor nikla ek sawar
Nikla ek sawar andar ki mehraab se
Andar ki mehraab se suraj ka sandees
Suraj ka sandees jheel ka pehla akss
Jheel ka pehla akss teh ka ek chiragh
Teh ka ek chiragh jaage andar jheel mein
Jaage andar jheel mein rangon ka paataal
Rangon ka paataal oopar laye kya
Oopar laye kya jo kuch andar jheel mein
Jo kuch andar jheel mein hans bataye kya
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں