ہوا و ابر کو آسودۂ مفہوم کر دیکھوں — ثروت حسین
شاعر
ہوا و ابر کو آسودۂ مفہوم کر دیکھوں
ہوا و ابر کو آسودۂ مفہوم کر دیکھوں
شروع فصل گل ہے ان لبوں کو چوم کر دیکھوں
کہاں کس آئنے میں کون سا چہرہ دمکتا ہے
ذرا حیرت سرائے آب و گل میں گھوم کر دیکھوں
مرے سینے میں دل ہے یا کوئی شہزادۂ خود سر
کسی دن اس کو تاج و تخت سے محروم کر دیکھوں
گزر گاہیں جہاں پر ختم ہوتی ہیں وہاں کیا ہے
کوئی رہرو پلٹ کر آئے تو معلوم کر دیکھوں
بہت دن دشت و در میں خاک اڑاتے ہوئے ثروتؔ
اب اپنے صحن میں اپنی فضا میں جھوم کر دیکھوں
Hawa-o-abr ko aasooda-e-mafhoom kar dekhun
Hawa-o-abr ko aasooda-e-mafhoom kar dekhun
Shuroo-e-fasl-e-gul hai in labon ko choom kar dekhun
Kahaan kis aaine mein kaun sa chehra damakta hai
Zara hairat sara-e-aab-o-gul mein ghoom kar dekhun
Mere seene mein dil hai ya koi shehzada-e-khud-sar
Kisi din is ko taj-o-takht se mehroom kar dekhun
Guzar gahein jahan par khatm hoti hain wahan kya hai
Koi rah-rau palat kar aaye toh maloom kar dekhun
Bahut din dasht-o-dar mein khaak udate hue Sarwat
Ab apne sehn mein apni faza mein jhoom kar dekhun
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں