اسی کنارۂ حیرت سرا کو جاتا ہوں — ثروت حسین
شاعر
اسی کنارۂ حیرت سرا کو جاتا ہوں
اسی کنارۂ حیرت سرا کو جاتا ہوں
میں اک سوار ہوں کوہ ندا کو جاتا ہوں
رمیدگی کا بیاباں ہے اور بے خور و خواب
غبار کرتا سکوت و صدا کو جاتا ہوں
قریب ہی کسی خیمے سے آگ پوچھتی ہے
کہ اس شکوہ سے کس قرطبہ کو جاتا ہوں
حذر کہ دجلۂ دشوار پر قدم رکھتا
شکارگاہ فرات و فنا کو جاتا ہوں
کہاں گئے وہ خدایان درہم و دینار
کہ اک دفینۂ دشت بلا کو جاتا ہوں
سفارت حد حیرانگی پہ ہوں مامور
نگار خانۂ حسن و ادا کو جاتا ہوں
وہ دن بھی آئے کہ انکار کر سکوں ثروتؔ
ابھی تو معبد حمد و ثنا کو جاتا ہوں
Isi kinara-e-hairat sara ko jaata hoon
Isi kinara-e-hairat sara ko jaata hoon
Main ek sawar hoon koh-e-nida ko jaata hoon
Rameedgi ka biyaban hai aur be-khoor-o-khwab
Ghubaar karta sukoot-o-sada ko jaata hoon
Qareeb hi kisi khaime se aag poochhti hai
Ke is shikwa se kis Qurtuba ko jaata hoon
Hazar ke Dajla dushwar par qadam rakhta
Shikaar gaah-e-Furaat-o-fana ko jaata hoon
Kahaan gaye woh khudayan-e-dirham-o-dinaar
Ke ek dafeena dasht-e-bala ko jaata hoon
Sifarat hadd-e-hairangi pe hoon mamoor
Nigaar khana-e-husn-o-ada ko jaata hoon
Woh din bhi aaye ke inkaar kar sakoon Sarwat
Abhi toh ma'bad-e-hamd-o-sana ko jaata hoon
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں