اتنے بہت سے رنگ — ثروت حسین
شاعر
اتنے بہت سے رنگ
سلاخوں سے ادھر
کچھ درخت، ایک سڑک، کتے کی زنجیر تھامے ایک آدمی
اور ایک ڈور جس پر رنگ برنگے کپڑے سوکھ رہے ہیں
جسموں کے بغیر یہ کپڑے، بچوں کے بغیر یہ میدان
محبت کے بغیر یہ راستے
دنیا کتنی چھوٹی نظر آتی ہے
رنگ برنگے کپڑے سوکھ جانے پر
ایک عورت آئے گی
تب ایک ایک کر کے یہ قمیضیں، پتلونیں اور فراکیں
اپنے اپنے جسم حاصل کر لیں گے
تب میدان بچوں سے
اور بچے خوشی سے بھر جائیں گے
یہ چھوٹی سی کائنات رنگوں سے بھر جائے گی
اتنے بہت سے رنگ
اے عورت، اتنے بہت سے رنگ!
Itne Bahut Se Rang
Salaakhon se idhar
Kuchh darakht, ek saṛak, kutte ki zanjeer thaame ek aadmi
Aur ek ḍor jis par rang-birange kapṛe sookh rahe hain
Jismon ke baghair yeh kapṛe, bachchon ke baghair yeh maidaan
Mohabbat ke baghair yeh raaste
Duniya kitni chhoṭi nazar aati hai
Rang-birange kapṛe sookh jaane par
Ek aurat aayegi
Tab ek ek kar ke yeh qameezein, patloonain aur faraakein
Apne apne jism haasil kar lein ge
Tab maidaan bachchon se
Aur bachche khushi se bhar jaayenge
Yeh chhoṭi si kaainat rangon se bhar jaayegi
Itne bahut se rang
Aye aurat, itne bahut se rang!
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں