جانے اس نے کیا دیکھا شہر کے منارے میں — ثروت حسین
شاعر
جانے اس نے کیا دیکھا شہر کے منارے میں
جانے اس نے کیا دیکھا شہر کے منارے میں
پھر سے ہو گیا شامل زندگی کے دھارے میں
اسم بھول بیٹھے ہم جسم بھول بیٹھے ہم
وہ ہمیں ملی یارو رات اک ستارے میں
اپنے اپنے گھر جا کر سکھ کی نیند سو جائیں
تو نہیں خسارے میں میں نہیں خسارے میں
میں نے دس برس پہلے جس کا نام رکھا تھا
کام کر رہی ہوگی جانے کس ادارے میں
موت کے درندے میں اک کشش تو ہے ثروتؔ
لوگ کچھ بھی کہتے ہوں خودکشی کے بارے میں
Jaane usne kya dekha shahr ke minare mein
Jaane usne kya dekha shahr ke minare mein
Phir se ho gaya shaamil zindagi ke dhaare mein
Ism bhool baithe hum jism bhool baithe hum
Wo hamein mili yaaro raat ek sitare mein
Apne apne ghar ja kar sukh ki neend so jaayen
Tu nahin khasare mein main nahin khasare mein
Maine das baras pehle jis ka naam rakha tha
Kaam kar rahi hogi jaane kis idare mein
Maut ke darinde mein ek kashish to hai Sarwat
Log kuch bhi kehte hon khudkushi ke baare mein
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں