جل پری — ثروت حسین
شاعر
جل پری
میں اپنے ہونٹھ اس کے بالوں پر رکھ دیتا ہوں
وہ خاموش رہتی ہے
وہ خاموشی سے مجھے دیکھتی ہے
وہ مجھے ایسے دیکھتی ہے جیسے ایک عورت سمندر کو دیکھتی ہے
بہت قریب اور لا تعلق
پلٹتی ہوئی موج اس کے تلووں سے ریت بہا لاتی ہے
وہ اپنے پنجے گاڑ دیتی ہے
وہ ایک شيرنی ہے جو پانی کو دیکھتے رہنا چاہتی ہے
اس کا عکس ٹوٹ پھوٹ جاتا ہے
وہ دیکھتی ہے کہیں بہت نیچے
فرن کا ہلتا ہوا پودا
مونگے کی چٹان اور ایک جل پری
Jal Pari
Main apne honth us ke baalon par rakh deta hoon
Woh khamosh rehti hai
Woh khamoshi se mujhe dekhti hai
Woh mujhe aise dekhti hai jaise ek aurat samandar ko dekhti hai
Bahut qareeb aur laa ta'alluq
Palatti hui mauj us ke talwon se reet baha laati hai
Woh apne panje gaarh deti hai
Woh ek sherni hai jo paani ko dekhte rehna chahti hai
Us ka aks toot phoot jaata hai
Woh dekhti hai kahin bahut neeche
Fern ka hilta hua pauda
Mounge ki chataan aur ek jal pari
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں