کبھی تیغ تیز سپرد کی کبھی تحفۂ گل تر دیا — ثروت حسین
شاعر
کبھی تیغ تیز سپرد کی کبھی تحفۂ گل تر دیا
کبھی تیغ تیز سپرد کی کبھی تحفۂ گل تر دیا
کسی شاہ زادی کے عشق نے مرا دل ستاروں سے بھر دیا
یہ جو روشنی ہے کلام میں کہ برس رہی ہے تمام میں
مجھے صبر نے یہ ثمر دیا مجھے ضبط نے یہ ہنر دیا
زمیں چھوڑ کر نہیں جاؤں گا نیا شہر ایک بساؤں گا!
مرے بخت نے مرے عہد نے مجھے اختیار اگر دیا
کسی زخم تازہ کی چاہ میں کہیں بھول بیٹھوں نہ راہ میں
کسی نوجواں کی نگاہ نے جو پیام وقت سحر دیا
مرے ساتھ بود و نبود میں جو دھڑک رہا ہے وجود میں
اسی دل نے ایک جہان کا مجھے روشناس تو کر دیا
Kabhi tegh-e-tez supurd ki kabhi tohfa-e-gul-e-tar diya
Kabhi tegh-e-tez supurd ki kabhi tohfa-e-gul-e-tar diya
Kisi shahzadi ke ishq ne mera dil sitaron se bhar diya
Yeh jo roshni hai kalaam mein ke baras rahi hai tamaam mein
Mujhe sabr ne yeh samar diya mujhe zabt ne yeh hunar diya
Zameen chhod kar nahin jaunga naya shehar ek basaunga!
Mere bakht ne mere ahd ne mujhe ikhtiyar agar diya
Kisi zakhm-e-taza ki chah mein kahin bhool baitho na raah mein
Kisi naujawan ki nigah ne jo payaam waqt-e-sehar diya
Mere saath bood o nabood mein jo dhadak raha hai wajood mein
Isi dil ne ek jahan ka mujhe roshnas to kar diya
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں