خاک سے چشمۂ صد رنگ ابلتے دیکھا — ثروت حسین
شاعر
خاک سے چشمۂ صد رنگ ابلتے دیکھا
خاک سے چشمۂ صد رنگ ابلتے دیکھا
میں نے اس شوخ کو پوشاک بدلتے دیکھا
آتش رنگ سے دہکی ہوئی شہزادی کو
ہاتھ میں پھول لیے نیند میں چلتے دیکھا
آگ ہی آگ ہے سیارے پہ لیکن ہم نے
شاخ زیتون تجھے پھولتے پھلتے دیکھا
تھی مؤذن کی ندا نیند سے بہتر ہے نماز
میں نے پتھر کو مناجات میں ڈھلتے دیکھا
جانیے کون سی مٹی سے بنے ہیں ثروتؔ
ہم نے عشاق کو دریاؤں پہ چلتے دیکھا
Khaak se chashma-e-sad rang ubalte dekha
Khaak se chashma-e-sad rang ubalte dekha
Main ne us shokh ko poshak badalte dekha
Atish rang se dehkhi hui shehzadi ko
Haath mein phool liye neend mein chalte dekha
Aag hi aag hai sayyare pe lekin hum ne
Shaakh-e-zaitoon tujhe phoolte phalte dekha
Thi muazzin ki nida neend se behtar hai namaz
Main ne patthar ko munajaat mein dhalte dekha
Jaane kaun si mitti se bane hain Sarwat
Hum ne ushaaq ko daryaaon pe chalte dekha
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں