کوئل کوکو کرتی ہے اور پتے رنگ بدلتے ہیں — ثروت حسین
شاعر
کوئل کوکو کرتی ہے اور پتے رنگ بدلتے ہیں
کوئل کوکو کرتی ہے اور پتے رنگ بدلتے ہیں
ایسے موسم میں شہزادے اٹھ کر نیند میں چلتے ہیں
آدھے سیارے پر پانی برس گیا نغمات لئے
آدھے سیارے کے منظر اب بھی آگ میں جلتے ہیں
یہ مٹی کے کورے مٹکے ان میں پانی رکھا ہے
یہ پھولوں کے گہوارے ہیں ان میں بچے پلتے ہیں
باغ بھی چپ فوارہ بھی چپ کیسا عجب سناٹا ہے
کھینچے جو آزار دلوں نے کب نغمات میں ڈھلتے ہیں
توسن شعر ہمارے حق میں تخت سلیماں ہے ثروتؔ
جن و ملائک پایا تھامے آگے آگے چلتے ہیں
Koyal kookoo karti hai aur patte rang badalte hain
Koyal kookoo karti hai aur patte rang badalte hain
Aise mausam mein shehzade uth kar neend mein chalte hain
Aadhe sayyare par paani baras gaya naghmaat liye
Aadhe sayyare ke manzar ab bhi aag mein jalte hain
Yeh mitti ke kore matke in mein paani rakha hai
Yeh phoolon ke gehware hain in mein bacche palte hain
Baagh bhi chup fawwara bhi chup kaisa ajab sannata hai
Kheenchi jo aazaar dilon ne kab naghmaat mein dhalte hain
Tausan-e-sher hamare haq mein takht-e-sulaimaan hai Sarwat
Jin-o-malaa'ik paya thame aage aage chalte hain
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں