لہر لہر آوارگیوں کے ساتھ رہا — ثروت حسین
شاعر
لہر لہر آوارگیوں کے ساتھ رہا
لہر لہر آوارگیوں کے ساتھ رہا
بادل تھا اور جل پریوں کے ساتھ رہا
کون تھا میں یہ تو مجھ کو معلوم نہیں
پھولوں پتوں اور دیوں کے ساتھ رہا
ملنا اور بچھڑ جانا کسی رستے پر
اک یہی قصہ آدمیوں کے ساتھ رہا
وہ اک سورج صبح تلک مرے پہلو میں
اپنی سب ناراضگیوں کے ساتھ رہا
سب نے جانا بہت سبک بے حد شفاف
دریا تو آلودگیوں کے ساتھ رہا
Lehar lehar aawaragiyon ke saath raha
Lehar lehar aawaragiyon ke saath raha
Baadal tha aur jal-pariyon ke saath raha
Kaun tha main yeh to mujh ko maloom nahin
Phoolon patton aur deewon ke saath raha
Milna aur bichhad jaana kisi raste par
Ek yahi qissa aadmiyon ke saath raha
Woh ek suraj subah talak mere pehlu mein
Apni sab naraazgiyon ke saath raha
Sab ne jaana bahut sabuk be-had shaffaf
Dariya to aaloodgiyon ke saath raha
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں