نقش کچھ ابھارے ہیں فرش خاک پر میں نے — ثروت حسین
شاعر
نقش کچھ ابھارے ہیں فرش خاک پر میں نے
نقش کچھ ابھارے ہیں فرش خاک پر میں نے
نہر اک نکالی ہے وقت کاٹ کر میں نے
اس درخت کے بازو دیر سے کشادہ تھے
توڑ ہی لیا آخر ایک برگ تر میں نے
چیخ اک مسرت کی خون میں سنائی دی
جب شکار کو دیکھا تیر کھینچ کر میں نے
میری دسترس میں ہے آسمان مٹی کا
اک لکیر کھینچی ہے دیکھ ہم شجر میں نے
جل اٹھا اندھیرے میں انبساط کا پتھر
جب زمین کو دیکھا اس کو دیکھ کر میں نے
میری گفتگو ثروتؔ خواب گاہ جنت ہے
خواب ہی تو دیکھا ہے خواب سے ادھر میں نے
Naqsh kuch ubhaare hain farsh-e-khaak par main ne
Naqsh kuch ubhaare hain farsh-e-khaak par main ne
Nahar ik nikaali hai waqt kaat kar main ne
Us darakht ke baazu der se kushada the
Tod hi liya aakhir ek barg-e-tar main ne
Cheekh ik musarrat ki khoon mein sunaayi di
Jab shikaar ko dekha teer kheench kar main ne
Meri dastras mein hai aasman mitti ka
Ik lakeer kheenchii hai dekh hum shajar main ne
Jal utha andhere mein imbisat ka patthar
Jab zameen ko dekha us ko dekh kar main ne
Meri guftugu Sarwat khwaab-gaah-e-jannat hai
Khwaab hi to dekha hai khwaab se idhar main ne
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں