نیلی لکیر — ثروت حسین
شاعر
نیلی لکیر
ازل سے تم بہ رہے ہو سندھو
قریب آؤ
ہمیں سناؤ وہ سارے قصے جو تم پہ بیتے ہیں اس سفر میں
اناج گھر میں
تمہاری زرخیزیوں کی چادر بچھی ہوئی ہے
جنوب کی سمت بہنے والے مہان سندھو
تمہیں مبارک شمال کی برف کا پگھلنا
تمہارے تہذیب یافتہ کنارے ابد کو آواز دے رہے ہیں
ہمارے ملاح اور مچھیرے تمہاری چاہت میں نغمہ گر ہیں
زمیں کے نقشے پہ ایک نیلی لکیر جو مسکرا رہی ہے
وصال کا گیت گا رہی ہے
Neeli Lakeer
Azal se tum beh rahe ho Sindhu
Qareeb aao
Hamein sunao woh saare qisse jo tum pe beete hain is safar mein
Anaaj ghar mein
Tumhari zarkhezion ki chaadar bichhi hui hai
Junoob ki simt behne wale mahaan Sindhu
Tumhein mubarak shumaal ki barf ka pighalna
Tumhare tehzeeb yafta kinare abad ko awaaz de rahe hain
Hamare mallah aur machhere tumhari chahat mein naghma gar hain
Zameen ke naqshe pe ek neeli lakeer jo muskura rahi hai
Visaal ka geet ga rahi hai
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں