پہنائے بر و بحر کے محشر سے نکل کر — ثروت حسین
شاعر
پہنائے بر و بحر کے محشر سے نکل کر
پہنائے بر و بحر کے محشر سے نکل کر
دیکھوں کبھی موجود و میسر سے نکل کر
آئے کوئی طوفان گزر جائے کوئی سیل
اک شعلۂ بے تاب ہوں پتھر سے نکل کر
آنکھوں میں دمک اٹھی ہے تصویر در و بام
یہ کون گیا میرے برابر سے نکل کر
تا دیر رہا ذائقۂ مرگ لبوں پر
اک نیند کے ٹوٹے ہوئے منظر سے نکل کر
ہر رنگ میں اثبات سفر چاہئے ثروتؔ
مٹی پہ دھرو پاؤں سمندر سے نکل کر
Pehnaaye barr o bahr ke mahshar se nikal kar
Pehnaaye barr o bahr ke mahshar se nikal kar
Dekhoon kabhi maujood o mayassar se nikal kar
Aaye koi toofan guzar jaaye koi sail
Ik shola-e-be-taab hoon patthar se nikal kar
Aankhon mein damak uthi hai tasveer-e-dar o baam
Yeh kaun gaya mere barabar se nikal kar
Ta der raha zaaiqa-e-marg labon par
Ik neend ke toote hue manzar se nikal kar
Har rang mein isbaat-e-safar chahiye Sarwatؔ
Mitti pe dharao paaoon samundar se nikal kar
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں