راہ کے پیڑ بھی فریاد کیا کرتے ہیں — ثروت حسین
شاعر
راہ کے پیڑ بھی فریاد کیا کرتے ہیں
راہ کے پیڑ بھی فریاد کیا کرتے ہیں
جانے والوں کو بہت یاد کیا کرتے ہیں
گرد جمتی چلی جاتی ہے سبھی چیزوں پر
گھر کی تزئین تو افراد کیا کرتے ہیں
کام ہی کیا ہے ترے زمزمہ پردازوں کو
باغ میں مدحت شمشاد کیا کرتے ہیں
پھول جھڑتے ہیں شفق فام ترے ہونٹھوں سے
ایسی باتیں تو پری زاد کیا کرتے ہیں
ہم نے ثروتؔ یہی جانا ہے گئے لوگوں سے
آدمی بستیاں آباد کیا کرتے ہیں
Raah ke peR bhi faryaad kiya karte hain
Raah ke peR bhi faryaad kiya karte hain
Jaane walon ko bohat yaad kiya karte hain
Gard jamti chali jati hai sabhi cheezon par
Ghar ki tazeen to afraad kiya karte hain
Kaam hi kya hai tere zamzama pardazon ko
Bagh mein madhat-e-shamshad kiya karte hain
Phool jharte hain shafaq-fam tere honthon se
Aisi baatein to pari zad kiya karte hain
Hum ne Sarwat yahi jaana hai gaye logon se
Aadmi bastiyan aabaad kiya karte hain
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں